Sweden: 2023 માં કુરાનને સળગાવી દેનારા વ્યક્તિની સ્વીડનમાં ગોળી મારીને હત્યા કરાઈ
Sweden: 2023માં સ્વીડનમા ઈસ્લામના પવિત્ર ગ્રંથ કુરાનને બાળી દેવાની ઘટના સામે આવી હતી. આ ઘટનાના વિશ્વભરના મુસ્લિમોમાં તીવ્ર પડઘા પડ્યા હતા. કુરાનને સળગાવી દેનારા વ્યક્તિની સ્વીડનમાં ગોળી મારીને હત્યા કરવામાં આવતા સનસનાટી મચી જવા પામી છે.
Sweden સ્થાનિક મીડિયા અહેવાલો અનુસાર,38 વર્ષીય સલવાન મોમિકાની બુધવારે સાંજે સ્ટોકહોમના સોડેર્ટાલ્જેમાં એક એપાર્ટમેન્ટમાં હત્યા કરવામાં આવી હોવાનું જાણવા મળે છે. 2023માં સ્ટોકહોમની સેન્ટ્રલ મસ્જિદની બહાર મોમિકા દ્વારા ઇસ્લામના પવિત્ર ગ્રંથની નકલને આગ લગાડ્યા બાદ અશાંતિ ફાટી નીકળી હતી.
મોમિકા અને તેના સાથી પર કુરાન બાળવાના સંબંધમાં આરોપ મૂકવામાં આવ્યો હતો, પરંતુ ગુરુવારે આરોપીનું મૃત્યુ થયું હોવાની વિગતો બહાર આવતા સ્ટોકહોમ ડિસ્ટ્રિક્ટ કોર્ટે દ્વારા ચૂકાદાને મુલત્વી રાખવામાં આવ્યો હતો.
સ્ટોકહોમ પોલીસે રાજ્ય પ્રસારણકર્તા SVT ન્યૂઝને જણાવ્યું હતું કે 40 વર્ષના એક વ્યક્તિને એક એપાર્ટમેન્ટમાં ગોળી મારવામાં આવી હતી અને ત્યાર બાદ તેનું મોત નિપજ્યું હતું.
સ્વીડિશ ફરિયાદીઓએ મોમિકા અને અન્ય એક વ્યક્તિ, સલવાન નાજેમ મોમિકા પર વંશીય અને રાષ્ટ્રીય જૂથ સામે આંદોલનના ગુનાનો આરોપ મૂક્યો હતો. ફરિયાદીઓએ જણાવ્યું હતું કે બંને માણસોએ ચાર વખત કુરાન સળગાવ્યું હતું અને મુસ્લિમો વિશે અપમાનજનક ટિપ્પણીઓ કરી હતી, જેમાં સ્ટોકહોમ મસ્જિદની બહારની ઘટનાનો પણ સમાવેશ થાય છે.
વરિષ્ઠ ફરિયાદી અન્ના હેન્કિઓને અલ જઝીરાએ તેના અહેવાલમાં ટાંક્યું હતું કે બંને આરોપીઓ પર ચાર વખત નિવેદનો આપવા અને કુરાન સાથે એવી રીતે વર્તવા બદલ કેસ ચલાવવામાં આવ્યો છે કે જેનાથી મુસ્લિમો પ્રત્યે તેમના વિશ્વાસને કારણે તિરસ્કાર વ્યક્ત કરવામાં આવ્યો હતો.
જૂન 2023 માં ઇદ પર, સલવાન મોમિકાએ સ્ટોકહોમની સૌથી મોટી મસ્જિદની બહાર કુરાનની નકલ પર પગ મૂક્યો અને તેને આગ લગાવી દીધી. આ ઘટના કેમેરામાં કેદ થઈ હતી.
મોમિકાના શરૂઆતના જીવન વિશે બહુ ઓછું જાણીતું છે, પરંતુ ફોટો અને વીડિયોઝ તેને ઇરાકમાં લશ્કરી નેતા તરીકે દર્શાવે છે.
અગાઉના એક વીડિયોમાં, તેણે પોતાને એક ખ્રિસ્તી લશ્કરના વડા તરીકે વર્ણવ્યા હતા. ફ્રાન્સ24 અનુસાર, તેનું જૂથ ઇમામ અલી બ્રિગેડનો ભાગ હતું, જે 2014માં રચાયેલા અને યુદ્ધ ગુનાઓનો આરોપી સંગઠન હતું. ઇમામ અલી બ્રિગેડ પોપ્યુલર મોબિલાઇઝેશન ફોર્સિસ હેઠળ કાર્ય કરે છે, જે જૂથોનું નેટવર્ક છે, જેમાંથી કેટલાકને ઇસ્લામિક સ્ટેટ સામે લડવા માટે ઇરાકી સૈન્યમાં એકીકૃત કરવામાં આવ્યા છે.
