નવી દિલ્હીઃ અત્યારે વૈશ્વિક સ્તરે ક્વાડ સંમેલન યોજાયું ત્યારે વિશ્વના મોટા દેશોના નેતાઓ ભારતના વડાપ્રધાન નરેન્દ્ર મોદી, અમેરિકાના રાષ્ટ્રપ્રમુખ જો બાઈડન, ઓસ્ટ્રેલિયાના પીએમ સ્કોટ મોરિસન અને જાપાનના વડાપ્રધાન યોશિહિદે સુગાએ સંયુક્ત રીતે એક લેખ લખ્યો છે. અને ચીનને કડક સંદેશ આવ્યો છે. ચારેય વૈશ્વિક નેતાઓએ હિંદ પ્રશાંત ક્ષેત્રને સ્વતંત્ર તથા ખુલ્લો રાખવા અને સુરક્ષિત, સ્થિર, સમૃદ્ધ રાખવા માટે પહેલાથી વધુ સાથે મળી નિકટતાથી કામ કરવાની વાત કહી છે. આ સંયુક્ત લેખને રવિવારે વોશિંગટન પોસ્ટએ પ્રકાશિત કર્યો છે.
સંયુક્ત લેખમાં આ નેતાઓએ કહ્યું છે કે, અમે આ સુનિશ્ચિત કરવા માટે પ્રયાસરત છે કે હિંદ-પ્રશાંત ક્ષેત્રમાં સરળતાથી પહોંચ બની રહે. ત્યાં આંતરરાષ્ટ્રીય કાયદા અને નેવિગેશનની સ્વતંત્રતા તથા વિવાદોનું શાંતિપૂર્ણ સમાધાનના સિદ્ધાંત કાયમ રહે. તમામ દેશ પોતાના રાજકીય વિકલ્પ ઊભા કરવામાં સક્ષમ છે, જે દબાણથી મુક્ત છે. હાલના વર્ષોમાં તે દૂરદર્શિતાનો ઝડપથી ટેસ્ટ કરવામાં આવ્યો છે. તે ટેસ્ટે એક સાથે વૈશ્વિક પડકારોનું સૌથી વધુ સમાધાન કરવું અમારા સંકલ્પને મજબૂત કર્યો છે.
લેખમાં કહેવામાં આવ્યું છે કે, તમામ ચાર દેશોની સરકાર છેલ્લા અનેક વર્ષોથી કામ કરી રહી છે. શુક્રવારે ક્વાડના ઈતિહાસમાં પહેલીવાર અમે ઉચ્ચ સ્તર પર સાર્થક સહયોગને આગળ ધપાવવા માટે નેતાઓના રૂપમાં સંચાલન કર્યું. ખુલ્લા અને સ્વતંત્ર ક્ષેત્ર માટે પોતાની શોધને મજબૂત કરવા માટે અમે નવી ટેક્નોલોજી તરફથી સામે આવી રહેલા પડકારોનું સમાધાન કરવા માટે ભાગીદારી માટે સહમત થયા છે. અમે ભવિષ્યના ઇનોવેશનને નિયંત્રિત કરવાના માપદંડો અને માનકોને નિર્ધારિત કરવા માટે સહયોગ કરીશું.
જળવાયુ પરિવર્તનને વ્યૂહાત્મક પ્રાથમિકતા અને વૈશ્વિક પડકારો વિશે વાત કરતા ચાર નેતાઓએ લેખમાં કહ્યું કે, તેના કારણે અમે પેરિસ સમજૂતીને મજબૂત કરવા અને જળવાયુ સંબંધી પડકારોને દૂર કરવા માટે તમામ દેશો માટે અમે એક સાથે કામ કરી રહ્યા છીએ. પોતાના લોકોના સ્વાસ્થ્ય અને સુરક્ષાની મજબૂતી પ્રતિસ્પર્ધાની સાથે અમે કોવિડ-19ના ખાતમા માટે દૃઢ સંકલ્પિત છે, કારણ કે કોઈ પણ દેશ ત્યાં સુધી સુરક્ષિત નહીં રહે જ્યાં સુધી કોવિડ-19 મહામારી આગળ વધશે.
