France protests against Israel: ઇઝરાયલ સામે ફ્રાન્સનો વિરોધ: 27 ફ્રેન્ચ સાંસદોના વિઝા રદ, પેલેસ્ટિનના સમર્થન પર વિવાદ
France protests against Israel ઇઝરાયલ અને ફ્રાંસ વચ્ચે કૂશળ રાજદ્વારી સંબંધો પર તણાવ ઉભો થયો છે, કારણ કે ઇઝરાયલે ફ્રાંસના 27 સાંસદો અને સ્થાનિક નેતાઓના વિઝા રદ કરી દેશમાં પ્રવેશ પર પ્રતિબંધ લગાવ્યો છે. આ તમામ નેતાઓ પેલેસ્ટિનિયન વિસ્તારોની મુલાકાત માટે જવાનું આયોજન કરી રહ્યાં હતા.
વિઝા રદ થવા પહેલાં આ ટીમને જેરુસલેમ સ્થિત ફ્રેન્ચ કોન્સ્યુલેટ દ્વારા સત્તાવાર આમંત્રણ આપવામાં આવ્યું હતું. સંસદના ડાબેરી પક્ષો, પર્યાવરણવાદી અને સામ્યવાદી જૂથોના સભ્યો સમાવવામાં આવ્યા હતા. તેમના મતે, પ્રવાસનો મુખ્ય હેતુ શાંતિ અને આંતરરાષ્ટ્રીય સહયોગને મજબૂત કરવો હતો.
ઇઝરાયલના ગૃહ મંત્રાલયે “રાષ્ટ્રીય સુરક્ષા માટે જોખમ” કહીને આ પગલું ભર્યું.
દેશના કાયદા મુજબ, ઇઝરાયલ એવા વ્યક્તિઓના પ્રવેશને રોકી શકે છે જેમના કારણે રાષ્ટ્રીય સુરક્ષા ખતરમાં પડે તેવી ધારણા હોય. વિઝા રદ થનારાઓમાં જાણીતા નેતાઓ જેમ કે ફ્રાંકોઇસ રફિન, એલેક્સિસ કોર્બિયર, જુલી ઓઝાન, મેરિયાન માર્ગ્રેટ અને કોમ્યુનિસ્ટ પાર્ટીની સૌમાયા બૌરોહા જેવા નામો શામેલ છે.
આ પગલાની સામે, તમામ સાંસદોએ સંયુક્ત નિવેદન જાહેર કર્યું છે જેમાં તેમણે આ નિર્ણયને “સામૂહિક સજા” ગણાવ્યો છે અને ફ્રાંસ તથા ઇઝરાયલ વચ્ચેના સંબંધોમાં તણાવ ઊભો થવાની ચિંતા વ્યક્ત કરી છે. તેઓએ ફ્રાંસના રાષ્ટ્રપતિ ઇમેન્યુઅલ મેક્રોનને હસ્તક્ષેપ કરવાની અને ઇઝરાયલ પાસેથી નિર્ણય પાછો ખેંચાવાની માંગ કરી છે.
તેમનો દાવો છે કે ફ્રાંસ લાંબા સમયથી પેલેસ્ટિનિયન રાજ્યના સમર્થનમાં છે અને જૂનમાં યોજાનારી આંતરરાષ્ટ્રીય સમિટમાં તેને માન્યતા આપવાની તૈયારીમાં છે. આ ઘટનાથી પહેલા પણ ઇઝરાયલે બે બ્રિટિશ સાંસદોને તેલ અવીવ એરપોર્ટ પરથી દેશનિકાલ કર્યા હતા, જેનાથી એ સ્પષ્ટ થાય છે કે ઇઝરાયલ વિવાદાસ્પદ મહેમાનોની હાજરીને લઈ વધારે ચેતનશીલ બની ગયું છે.
