Baba Vanga Prediction ‘એપોકેલિપ્સ’ની આગાહી: જાપાની બાબા વાંગાની આગાહી ચર્ચામાં
Baba Vanga Prediction વિશ્વ પ્રસિદ્ધ ભવિષ્યવક્તા તરીકે ઓળખાતી જાપાની બાબા વાંગા, એટલે કે ર્યો તાત્સુકી, ફરી એક વાર પોતાની ડરામણી આગાહીને કારણે ચર્ચામાં છે. તાજેતરમાં તેમણે એવી ભવિષ્યવાણી કરી છે કે આવતા ત્રણ મહિનામાં દુનિયા પર એક મોટી આપત્તિ આવી શકે છે, જેને કેટલાક “એપોકેલિપ્સ” તરીકે પણ વર્ણવે છે.
તેમના અનુસાર, જાપાનની દક્ષિણ તરફ આવેલા સમુદ્રમાં ઊકળાટ જેવો દ્રશ્ય દેખાયો છે, જે ભવિષ્યમાં મોટા જ્વાળામુખી વિસ્ફોટ અને ભયાનક સુનામીનું કારણ બની શકે છે. જો આ આગાહી સાચી સાબિત થાય છે, તો જાપાન, તાઇવાન, ઇન્ડોનેશિયા અને ઉત્તરી મારિયાના ટાપુઓ સહિતના દેશો પર જીવલેણ ખતરો ઉભો થઈ શકે છે.
ર્યો તાત્સુકીનું વિશેષત્વ એ છે કે તેમને સપનામાં આગાહી જોવા મળે છે. એવું માનવામાં આવે છે કે 1991માં ફ્રેડી મર્ક્યુરીનું અવસાન, 1995નો કોબે ભૂકંપ અને 2011ની જાપાની સુનામી જેવી ઘટનાઓ અંગે તેમણે અગાઉથી ચેતવણી આપી હતી – અને બધું થોડા સમયમાં સાચું પડ્યું હતું.
આ વખતે પણ, ર્યો તાત્સુકીએ પોતાના સ્વપ્નમાં ‘ડ્રેગન જેવી આકૃતિઓ’ને પાણીમાંથી ઊભરીને હલનચલન કરતી જોઈ છે. જો કે, ભારત વિશે તેમણે કોઈ ખાસ ઉલ્લેખ કર્યો નથી, પરંતુ પ્રશાંત મહાસાગરના કિનારાઓએ સાવધાની રાખવાની જરૂર જણાવી છે.
વિશેષ વાત એ છે કે ર્યો તાત્સુકી એક સમય મંગા કલાકાર હતી. પરંતુ 1999થી તેમણે ભવિષ્યવાણીઓ પર આધારિત શ્રેણીઓ શરૂ કરી અને આજે ‘જાપાની બાબા વાંગા’ તરીકે ઓળખાય છે.
તેમની આગાહીઓના આધારે, વૈજ્ઞાનિકો અને જીઓલોજિસ્ટ્સ પણ હવે જાપાનની ટેક્નોનિક પ્રવૃત્તિઓ પર નજર રાખી રહ્યા છે, અને કેટલાક વિસ્તારોમાં એલર્ટ પણ જાહેર કરાયો છે.
તાજેતરની આગાહી ભલે ભારતને સીધી અસર કરતી ન લાગે, પણ આ આગાહીઓ આપણને ટેક્નોલોજી અને કુદરત વચ્ચેના સંતુલન વિશે વિચાર કરવા મજબૂર કરે છે. ભવિષ્ય કેટલું અસ્વસ્થ બની શકે છે, તે સમયે જ ખબર પડશે – પણ સાવચેતી એ જ સાચી બુદ્ધિ છે.
