ઈન્ડિયા પાકિસ્તાન ના ભાગલા બાદ પહેલીવાર કટાસરાજ મંદિરને ખોલવામાં આવ્યુ અને મહાશિવરાત્રિ ઉજજવવામાં આવશે

પાડોશી દેશ પાકિસ્તાન પણ આ વર્ષે મહાશિવરાત્રિના પર્વને ઉજવવા માટે ઉત્સુક દેખાઈ રહ્યુ છે. ભાગલા બાદ પહેલીવાર કટાસરાજ મંદિરને ખોલવામાં આવ્યુ છે. બીજી તરફ, 117 વર્ષ બાદ મહાશિવરાત્રિ (21 ફેબ્રુઆરી) પર દુર્લભ યોગ બની રહ્યો છે. પાકિસ્તાનમાં અત્યારથી જ તૈયારીઓ શરૂ કરી દેવામાં આવી છે. મહાશિવરાત્રિએ શિવ અને શક્તિના મિલનની રાતનું પર્વ છે. ધાર્મિક માન્યતાઓ મુજબ, શિવરાત્રિની રાતે આધ્યાત્મિક શક્તિઓ જાગૃત થાય છે. આ વર્ષે પર્વનાં અવસર પર શનિ પોતાની રાશિ મકરમાં છે અને શુક્ર પોતાની ઉચ્ચ રાશિ મીનમાં રહેશે. આ દુર્લભ યોગ આજથી 117 વર્ષ પહેલાં 1903માં બન્યો હતો. તો બીજી તરફ, ભારત અને પાકિસ્તાનના સંબંધોમાં મહાશિવરાત્રીનો તહેવાર આ બધી બાબતોથી અસ્પૃશ્ય રહેશે. બિલૂચિસ્તાનમાં 200 વર્ષ જુનાં હરિ મંદિરને  શુક્રવારે મહાશિવરાત્રી માટે ખોલવામાં આવ્યું છે. આ જ રીતે, ઇસ્લામાબાદમાં તાજેતરમાં બનાવવામાં આવેલ શિવ મંદિરને શિવ ભક્તો માટે ખુલ્લું મૂકવામાં આવ્યું છે. આ ઉપરાંત પેશાવર, મુઝફ્ફરાબાદ, લાહોરના કૃષ્ણ અને વાલ્મીકી મંદિર, રાવલપિંડીમાં આજ નામના મંદિરોમાં પણ મહાશિવરાત્રીના પર્વની ઉજવણી કરાશે. એવું કહેવામાં આવે છે કે, લઘુમતીઓ ઉપરાંત મુસ્લિમ સમુદાયના લોકો પણ આ સ્થાનો પર શામેલ છે.પાકિસ્તાનનાં ચકવાલ જીલ્લા સ્થિત કટાસરાજમાં મહાશિવરાત્રિ પર્વ ઉજવવા માટે તૈયારીઓ જોર-શોરથી ચાલી રહી છે. એક્યૂ ટ્રસ્ટ પ્રોપર્ટી બોર્ડનાં એડિશનલ સેક્રેટરી ફરાઝ અબ્બાસે જણાવ્યુકે, હિંદુસ્તાનથી આવતા હિંદૂ ભાઈચારા માટે દરેક પ્રકારની વ્યવસ્થા કરવામાં આવી રહી છે. સરોવર અને આસપાસ સફાઈનું કામ શરૂ કરવામાં આવ્યુ છે. અબ્બાસનું કહેવું છેકે, બીજી જગ્યાનાં મંદિરો માટે પણ સરકાર ખાસ બંદોબસ્ત કરી રહી છે.