Watch: કાળજુ કંપાવે તેવી ઘટના! પ્રસિદ્ધિ માટે યુવકે કૂતરાને માર્યું અને આગમાં ફેંક્યું, વીડિયો સામે આવ્યો
Watch સોશિયલ મીડિયા માટે લાઈક અને વ્યૂઝ મેળવવાના ચક્કરમાં માનવતાને શરમાવે એવો કિસ્સો બિહારના ભાગલપુરથી સામે આવ્યો છે. અહીં એક યુવકે રીલ બનાવવા માટે પોતાના પાળેલા કૂતરાને ક્રૂરતાની હદે ત્રાસ આપ્યો. યુવકે કૂતરાને ઝાડ સાથે બાંધી, લટકાવ્યું અને ત્યારબાદ આગમાં ફેંકી દીધું. આ અત્યાચારનો વીડિયો સોશિયલ મીડિયા પર વાયરલ થયો છે, જે લોકોને હચમચાવી રહ્યો છે.
જુઓ કેવી રીતે ક્રૂરતાનું દ્રશ્ય સર્જાયું
Watch આ ઘટના બિહારના ભાગલપુરની છે. વિડિયોમાં જોઈ શકાય છે કે આ યુવક, જેની ઓળખ આલમ તરીકે થઈ છે, પહેલા કૂતરાને ઝાડ સાથે બાંધી લટકાવે છે, પછી તેની મરજી પ્રમાણે આગમાં ફેંકી દે છે. આ વીડિયોમાં એક યુવતી પણ જોવા મળે છે, જે તેની ક્રૂરતાને મજાકમાં લઈ રહી છે.
Take cognizance immediately @PoliceBhagalpur @bihar_police@dmbhagalpur
This boy has crossed all limits of brutality with his dog.From causing pain & horrifying acts like throwing the dog into fire & hanging it upside down from a tree etc this is nothing short of barbaric/crime pic.twitter.com/gIf1e4KKJK
— Tarun Agarwal (@AntiCrueltyCell) January 4, 2025
વિડિયો સામે આવ્યા બાદ પ્રાણી અધિકાર કાર્યકર્તાઓએ આ ઘટના પર રોષ વ્યક્ત કર્યો છે. અધિકારીઓના કહેવા પ્રમાણે, આલમ કૂતરાનો ઉછેર કરતો હતો અને પોતાના ઇન્સ્ટાગ્રામ પ્રોફાઇલ માટે રીલ બનાવવાના ઉદ્દેશથી ક્રૂર કૃત્યો કરતો હતો.
NGOની દખલ અને સ્થાનિક લોકોનો રોષ
આ દ્રશ્યો વાયરલ થયા બાદ પ્રાણી અધિકાર સંગઠનોએ કૂતરાને આ પરિસ્થિતિમાંથી મુક્ત કરાવ્યો. ત્યારે પણ આલમ સામે કાયદાકીય કાર્યવાહી થયા હોવાનું કોઈ પુરાવા મળી શક્યા નથી.
આ ઘટના માનવતાને શરમાવે છે. લોકોએ આક્રોશ વ્યક્ત કરીને ક્રૂરતાની મજાક ઉડાવનારા માટે કડક પગલાં ભરવાની માંગ કરી છે. પોલીસ અને અધિકારીઓએ આવા કિસ્સાઓ પર તાત્કાલિક કાર્યવાહી કરી ત્યારે જ આવા કૃત્યો અટકી શકે.
