US man balances refrigerator on head: માથા પર ફ્રિજ રાખી બાઈક ચલાવતો વ્યક્તિ બન્યો ઈન્ટરનેટ સ્ટાર
US man balances refrigerator on head: ઇન્ટરનેટ એ એવી જગ્યા છે જ્યાં કોઈ પણ ક્ષણે કંઈક અનોખું અને અચંબામાં મૂકતું દૃશ્ય ઝડપથી વાયરલ થઈ જાય છે. તાજેતરમાં ન્યુ યોર્કના બ્રુકલિનના રસ્તા પર આવું જ એક દુર્લભ દ્રશ્ય જોવા મળ્યું છે, જેને જોઈને નેટિઝન શોકમાં આવી ગયા છે. એક વ્યક્તિ શાંતિથી સિટી બાઈક ચલાવી રહ્યો છે, પણ ખાસ વાત એ છે કે તેના માથા પર આખુ રેફ્રિજરેટર બેલેન્સ કર્યું છે!
હા, તમે સાચું વાંચ્યું — એક મિની ફ્રિજ. આ કરતબકર્તા છે લેહ-બોય ગેબ્રિયલ ડેવિસ, જેને પોતાનું ટાઇટલ ‘હેવીવેઇટ હેડ બેલેન્સિંગ ચેમ્પિયન’ આપ્યું છે. સોશિયલ મીડિયા પર જેમજેમ આ વીડિયો વાઇરલ થયો, તેમતેમ લોકોના પ્રતિસાદ પણ ઉમટી પડ્યા. ઘણા લોકોએ તેની ગરદનની તાકાત અને બેલેન્સની કુશળતાની પ્રશંસા કરી, તો કેટલાકે મજાક ઉડાવી.
નાસાઉ એવન્યુથી ડોબિન્સ સ્ટ્રીટ સુધીની સફરમાં, ડેવિસ પોતાની સાદી સાયકલ પર ફ્રિજ લઈને જઈ રહ્યો હતો. રસ્તા પર ચાલતા લોકો તેને જોઈને અટકી ગયા અને કેટલીક વિડીયો ક્લિપ્સમાં તો જોવા મળે છે કે લોકો ફક્ત જોઈ રહ્યા છે અને અચંબામાં છે. વીડિયો બનાવી રહેલા એક વ્યક્તિએ તો આશ્ચર્યથી કહ્યુ, “આ પાગલપન છે!”
Man seen balancing a refrigerator on top of his head while riding a Citi Bike in Brooklyn, New York.
The man was identified as “Ley-Boy,” a self-described “World Recognized Pro Heavyweight Head Balancer” from Africa.
This may be the only person in the world with a stronger… pic.twitter.com/XXoJxaodKh
— Collin Rugg (@CollinRugg) April 19, 2025
અદ્ભુત વાત એ છે કે આ પહેલીવાર નથી. વર્ષ 2023માં, ડેવિસે માથા પર સોફા રાખીને બાઈક ચલાવવાનો વિડિયો પણ કર્યો હતો. હવે, આ ફ્રિજ વાળો સ્ટંટ તેના તાજેતરના કારનામામાંથી એક છે.
સોશિયલ મીડિયા પર વિડીયો શેર કરતા યુઝર કોલિન રગે લખ્યું કે ડેવિસ ભલે પોતાને હાસ્યાસ્પદ કહી શકે, પણ તેનું બેલેન્સ વિશ્વસ્તર પર પ્રશંસા પામે તેવું છે. કેટલાકે તો લખ્યું કે આ વ્યક્તિએ સમગ્ર બ્રુકલિનને ‘બિલીવ ઇટ ઓર નોટ’ જેવી ફિલિંગ આપી દીધી.
લેહ-બોયનું આ યૂનિક ટેલેન્ટ સાબિત કરે છે કે દુનિયામાં અનેક પ્રતિભાશાળી લોકો છે, માત્ર તેમની સ્ટાઇલ અલગ હોય છે.
