Nigerian Wedding Tradition Viral Video: સ્મિતની કિંમત લાખોમાં! નાઇજીરિયન લગ્નની અનોખી પરંપરા થઈ વાયરલ
Nigerian Wedding Tradition Viral Video: કલ્પના કરો કે કોઈ તમારા સ્મિત માટે નોટોના વરસાદ કરે તો? આવી જ હકીકત બની છે નાઇજીરિયામાં, જ્યાં એક લગ્ન પ્રસંગે દુલ્હનના એક સ્મિત માટે વરરાજા અને તેના પરિવારજનો લાખો રૂપિયાની નોટો વરસાવે છે. આ ઘટનાનો વિડિઓ સોશિયલ મીડિયા પર ઝડપથી વાયરલ થઈ રહ્યો છે અને લોકો આનંદ સાથે તેને શેર કરી રહ્યા છે.
વિડિઓમાં દુલ્હન ગંભીર ચહેરા સાથે મંડપમાં આવે છે. તેના ચહેરા પર જરા પણ ખુશી દેખાતી નથી. તેના ચહેરા પર સ્મિત લાવવા માટે વરરાજા અને તેના પરિવારજનો તેને નાણાંના નોટોથી ઢાંકવા લાગે છે. નોટોની આ “વરસાદી વિધિ” ત્યાં સુધી ચાલુ રહે છે જ્યાં સુધી દુલ્હન મલકાવતી નથી. અને જયારે તે અંતે સ્મિત કરે છે, ત્યારે સમગ્ર હોલ તાળીઓથી ગૂંજી ઉઠે છે.
View this post on Instagram
આ ખાસ પરંપરાને નાઇજીરિયામાં ‘Spraying Naira’ કહેવાય છે. તે માત્ર દેખાડો નથી, પણ પ્રેમ, આદર અને સામર્થ્યની અભિવ્યક્તિ છે. આ રીતથી વરરાજાનો પરિવાર બતાવે છે કે તેઓ દુલ્હન માટે કેટલા ખુશ અને ગૌરવ અનુભવે છે. આ વિડિઓ weddingvows.in ઇન્સ્ટાગ્રામ પેજ પર અપલોડ થયો છે અને લોકોને ખૂબ જ ગમી રહ્યો છે.
વિડિઓ પર એક યૂઝરે લખ્યું: “દુલ્હનને મનાવવા માટે આ સાચો શાહી અંદાજ છે!” તો બીજાએ લખ્યું: “સાચો પ્રેમ લાગણીઓથી થાય છે, નોટોથી નહીં.”
આ પરંપરા પાછળ છુપાયેલો આનંદ અને પ્રેમ બધાના દિલ જીતી લે એવો છે.
