Indore shop poster on pakistan video: પહેલગામ હુમલા પછી ઇન્દોર દુકાનમાં પાકિસ્તાનીઓ માટે પ્રવેશ પ્રતિબંધિતનું પોસ્ટર વાયરલ
Indore shop poster on pakistan video: કાશ્મીરના પહેલગામમાં થયેલા ભયાનક આતંકવાદી હુમલા બાદ દેશભરમાં આઘાત અને રોષનું મોજુ ઊભું થયું છે. પાકિસ્તાની સમર્થિત આતંકીઓએ શ્રદ્ધાળુઓને નિશાન બનાવીને જે રીતે નિર્દોષ લોકોની હત્યા કરી, એ દરેક ભારતીયના દિલ દ્રવી ગયા છે. દેશના વિવિધ ભાગોમાં વિરોધ પ્રવૃત્તિઓના દ્રશ્યો સામે આવી રહ્યા છે અને સોશિયલ મીડિયામાં પણ ગુસ્સો છલકાઈ રહ્યો છે.
મધ્યપ્રદેશના ઇન્દોર શહેરમાં આવેલા પ્રખ્યાત ‘છપ્પન દુકાન’ વિસ્તારમાં એક અનોખું અને ચર્ચાસ્પદ પોસ્ટર જોવામાં આવ્યું. શુક્રવારે અહીંની એક ખાદ્યપદાર્થની દુકાનના બાહ્ય ભાગે એક પોસ્ટર લગાવવામાં આવ્યું, જેમાં પાકિસ્તાની લશ્કર જેવી ટોપી પહેરેલા ડુક્કરનું ચિત્ર હતું અને નીચે લખેલું હતું – “ડુક્કર અને પાકિસ્તાની નાગરિકોને પ્રવેશ મંજૂર નથી.”
પોસ્ટર ઝડપથી સોશિયલ મીડિયામાં વાયરલ થયું અને લોકોમાં તીવ્ર પ્રતિક્રિયાઓ જોવા મળી. આ ઘટનાક્રમ એવા સમયે થયો છે જ્યારે સમગ્ર દેશ પહેલગામ હુમલાની પીડા અનુભવતો રહ્યો છે, જેમાં આતંકીઓએ તીર્થયાત્રાળુઓ પર નિર્મમ રીતે હુમલો કર્યો હતો.
क्या कहना चाहेंगे आपलोग इंदौर के इस पहल पर .. pic.twitter.com/y9CvQ7fK0G
— Meenakshi Singh (@Meenaks06356943) April 25, 2025
અહેવાલો મુજબ, હુમલાખોરોએ યાત્રાળુઓની ધાર્મિક ઓળખ પુછ્યા પછી તેમને નિશાન બનાવીને ગોળીબાર કર્યો હતો. આ દુઃખદ ઘટનામાં 26 લોકોના જીવ ગયા છે અને ઘણા ગંભીર રીતે ઘાયલ થયા છે. દેશના વડાપ્રધાન નરેન્દ્ર મોદીએ હુમલાની નિંદા કરતાં જણાવ્યું છે કે દોષિતો સામે ખૂબ જ કડક પગલાં લેવામાં આવશે. તમામ રાજકીય પક્ષોએ પણ આતંકવાદ વિરોધી કાર્યવાહી માટે એકતાની હાક આપી છે.
ઇન્દોરની ઘટના બાદ કેટલીક વ્યક્તિઓએ દુકાનદારે વ્યક્ત કરેલો ગુસ્સો સમજી શકાયો તેમ ગણાવ્યો છે, જ્યારે કેટલીક ટિપ્પણીઓએ આ પગલાને નફરત ફેલાવતું ગણાવ્યું છે. સ્થાનિક વહીવટ તંત્રે હવે સમગ્ર મામલાની તપાસ શરૂ કરી દીધી છે.
