Groom Blast Stunt at Wedding Video: વરરાજાનો સ્ટેજ પર ‘ધમાકેદાર’ અંદાજ! વિડિયો થયો વાયરલ
Groom Blast Stunt at Wedding Video: સોશિયલ મીડિયામાં રોજબરોજ અનેક વીડિયો જોવા મળે છે, પણ લગ્ન સાથે જોડાયેલો કોઈ અનોખો વીડિયો હોય, તો લોકોનો રસ થોડો વધારે જ હોય છે. હાલમાં એવો જ એક વીડિયો વાયરલ થયો છે, જેમાં વરરાજા એક અનોખું અને જોખમી કામ કરતા જોવા મળે છે.
આ વીડિયો એક લગ્ન મંચનો છે, જ્યાં વરમાળાની વિધિ પછી કેટલાક યુવકો વરરાજાને લોખંડનો પાઈપ આપે છે, જેમાં ગનપાઉડર ભરેલું હોય છે. બધા મળીને વરરાજાને ગનપાઉડર ફોડવા માટે કહે છે. વરરાજા એ પાઈપ પકડીને ધડાકા સાથે ફટાકડા ફોડે છે. ફટાકડો એટલો જોરદાર હોય છે કે દુલ્હન તરત જ પોતાના કાન ઢાંકે છે. આ દ્રશ્ય જોનાર કોઈને હસાવે છે, તો કોઈને વિચારમાં મૂકે છે.
આ વીડિયો X (અગાઉ Twitter) પર શેર કરવામાં આવ્યો છે અને કેપ્શનમાં લખાયું છે: ‘જો લગ્નમાં વરરાજા-દુલ્હન આ રીતે ફટાકડા ન ફોડે તો લગ્ન માન્ય નથી!’ આ પર લોકોએ જુદી જુદી પ્રતિક્રિયા આપી છે. કોઈએ તેને દેશી મજાક ગણાવી છે, તો કોઈએ પૂછ્યું છે, ‘આ નવી કઈ વિધિ છે?’
यदि शादी में दूल्हा व दुल्हन इस तरह से फटाका नही चलाया तो वह शादी मान्य नही h pic.twitter.com/ZZMAPwjqcA
— ममता राजगढ़ (@rajgarh_mamta1) April 7, 2025
જ્યાં એક તરફ લોકો આ વિડિયો પર મજાક ઉડાવી રહ્યા છે, ત્યાં બીજી તરફ કેટલાક લોકોએ આ કૃત્યને જોખમી ગણાવ્યું છે. લગ્ન જેવી પાવન વિધિમાં આવા ખતરનાક હથિયારોનો ઉપયોગ યોગ્ય નથી એ વાત પણ ચર્ચાઈ રહી છે.
સાચું કહીએ તો, શ્રેણીબદ્ધ કાર્યક્રમો વચ્ચે લોકોને રસકસ ભર્યા દ્રશ્યો ગમે છે, પણ સુરક્ષાનો વિચાર પણ એટલો જ જરૂરી છે.
