Delivery Within Society Video: આળસની હદ, ગ્રાહકે એક ટાવરથી બીજામાં વિડીયો ગેમ મોકલાવવા ડિલિવરી બોય બોલાવ્યો
Delivery Within Society Video આજના ડિજિટલ યુગમાં જીવનને સરળ બનાવવા માટે અનેક ઑનલાઇન સેવાઓ ઉપલબ્ધ છે. લોકો પોતાનો સમય બચાવવા અને સરળતાથી વસ્તુઓ એક જગ્યાથી બીજી જગ્યાએ પહોંચાડવા માટે આવા પ્લેટફોર્મનો ઉપયોગ કરે છે. જોકે, કેટલીકવાર લોકો આ સેવાઓનો એવો રીતે ઉપયોગ કરે છે કે તે જુસ્સાથી વધુ આળસની નિશાની બને છે. આવો જ એક રસપ્રદ અને હાસ્યાસ્પદ બનાવ સોશિયલ મીડિયામાં ભારે વાયરલ થયો છે.
ઇન્સ્ટાગ્રામ યૂઝર ચેતન (@badka_chetan), જે ડિલિવરી બોય અને કન્ટેન્ટ ક્રિએટર છે, તેણે તાજેતરમાં લખનૌની એક સોસાયટીમાં મળેલા ઓર્ડરનો વીડિયો શેર કર્યો. ચેતન પોર્ટર જેવી લોકપ્રિય લોકલ ડિલિવરી સર્વિસ માટે કામ કરે છે. વીડિયોમાં તેણે જણાવ્યું કે એક ગ્રાહક તરફથી માલ ચઢાવવાનો ઓર્ડર મળ્યો હતો, જે સામાન્ય રીતે સામાન્ય જ હોય છે – પરંતુ જ્યારે તેણે ચોક્કસ લોકેશન જોયું, ત્યારે તેને ભારે આશ્ચર્ય થયું.
View this post on Instagram
ઘટના એવી હતી કે ચેતન જે સોસાયટીમાં પહોંચ્યો ત્યાં ગ્રાહકએ એક ટાવર (ટાવર નં. 17) માંથી બીજું ટાવર (ટાવર નં. 19) ત્યાં વિડીયો ગેમ પહોંચાડવાની વિનંતી કરી હતી. માત્ર એક બિલ્ડિંગનું અંતર હોવા છતાં, ગ્રાહકે પોર્ટર એપ્લિકેશન દ્વારા ચેતનને બોલાવ્યો. ચેતને પોતાનું આશ્ચર્ય છુપાવ્યા વગર કહ્યું, “આટલો આળસ!” પણ એમના માટે એ પણ એક ઓર્ડર હતો – અને અંતે તેમને 38 રૂપિયાની કમાણી થઈ.
વિડીયો પોસ્ટ કરાયા બાદ 18 લાખથી વધુ વ્યૂઝ મળ્યા છે અને હજારો લોકોએ કોમેન્ટ કરી છે. કોઈએ લખ્યું, “જ્યારે પૈસા હોય ત્યારે આટલો આળસ પણ નવું સ્ટેટસ બની જાય છે.” બીજાએ કહેલું, “લખનૌના નવાબો એવા જ હોય છે!” તો એક યૂઝરે મજાકમાં લખ્યું, “લાગે છે કે એમની વચ્ચે ઝઘડો થયો હશે, અને કહ્યુ હશે – તારી ગેમ તને પરત મોકલું છું!”
આ ઘટનાથી એટલું તો જણાઈ જાય છે કે ટેકનોલોજી આપણું જીવન કેટલું સરળ બનાવી રહી છે – પણ એ સાથે લોકોનો આળસ પણ નવી ઊંચાઈએ પહોંચી રહ્યો છે!
