AI Video Of Qutub Minar Making: AIએ જીવંત કર્યો ઈતિહાસ, ૮૩૩ વર્ષ જૂના કુતુબ મિનારના બાંધકામનો વિડિયો વાયરલ
AI Video Of Qutub Minar Making: દિલ્હીના મહેરૌલીમાં આવેલો ઐતિહાસિક કુતુબ મિનાર ૮૩૩ વર્ષ પહેલાં, ૧૧૯૨માં તેના બાંધકામની શરૂઆતથી લઈને પૂર્ણ થવા સુધી ઘણા રાજવંશો અને સમયના ફેરફારનો સાક્ષી રહ્યો છે. હવે, આ ઐતિહાસિક ઈમારત ફરી એકવાર ચર્ચામાં છે—કારણ કે તે AIની નવી દ્રષ્ટિમાં ફરીથી જીવંત કરવામાં આવ્યો છે.
ઇન્સ્ટાગ્રામ યુઝર @bharathfx1 દ્વારા બનાવવામાં આવેલ AI આધારિત વીડિયો લોકપ્રિય થઈ રહ્યો છે, જેમાં દર્શાવવામાં આવ્યું છે કે ૧૧મી સદીના અંતના સમયે કામદારો કેવી રીતે કુતુબ મિનારનું બાંધકામ કરતા હતા. ૭૦ સેકન્ડના આ ફિલ્મી સ્ટાઇલના વિડિયોમાં મજૂરો પથ્થરો કાપતા, નકશા વાંચતા, અને હાથી-ખચ્ચર દ્વારા સામાન લઈ જતા જોવા મળે છે. રાતે પણ કાર્યરત મજૂરોની ઝાંખી પણ વિડિયોમાં જોવા મળે છે, જે નિર્માણ કાર્યની વ્યસ્તતા અને પ્રતિબદ્ધતાને ઉજાગર કરે છે.
View this post on Instagram
AIની મદદથી બનાવવામાં આવેલા આ વીડિયોમાં નાની નાની વિગતોનો પણ સુંદર રીતે સમાવેશ કરાયો છે. માળા પર ચઢીને પથ્થર ગોઠવતા કામદારો, નકશા જોઈને માર્ગદર્શિત કરતા ઈજનેરો અને બાંધકામની વ્યવસ્થાપન વ્યવસ્થા.
સોશિયલ મીડિયા પર લોકો આ વિડીયોને અત્યંત પ્રશંસા આપી રહ્યા છે. ઘણા યુઝર્સે પૂછ્યું કે આ સર્જનાત્મકતાને જીવંત કરવા માટે કયા AI ટૂલ્સનો ઉપયોગ થયો હતો. અન્યોએ કહ્યું કે વિડિયો જોઈને એમ લાગ્યું કે તેઓ પોતે એ યુગમાં જીવતા હતા. “ઉત્તમ કામ” અને “ઇતિહાસનું અદભુત પાત્ર” જેવી ટિપ્પણીઓ કોમેન્ટ સેક્શનમાં છવાઈ ગઈ છે.
યુનેસ્કો વર્લ્ડ હેરિટેજ સાઇટમાં સામેલ, આશરે 240 ફૂટ ઊંચો કુતુબ મિનાર આજે પણ ભારતીય સ્થાપત્ય કળાનું અનોખું પ્રતિનિધિત્વ કરે છે. હવે આ વિડિયોએ આ પ્રાચીન ઈમારતને નવી પેઢી માટે વધુ નિકટતા અને રોચકતાથી રજૂ કરી છે. AIની આ કૃતિ માત્ર દ્રશ્યમાત્ર મનોરંજન નથી, પણ ઈતિહાસ અને ટેકનોલોજીની સંમિશ્રતાની જીવંત ઝાંખી છે.
