AI Making Fake IDs: નકલી દસ્તાવેજો બનાવે છે AI? ChatGPT વિશે ફેલાઈ રહેલા દાવાઓએ ચિંતા ઊભી કરી
AI Making Fake IDs: આજના સમયમાં ટેકનોલોજી જીવન સરળ બનાવે છે, પણ કેટલીકવાર એ જોખમ પણ ઊભા કરે છે. ChatGPT, જેને લોકો પ્રશ્નોના જવાબ આપવા અને સર્જનાત્મક લખાણ માટે ઓળખે છે, હવે સોશિયલ મીડિયામાં નવું વિવાદ સર્જી રહ્યું છે. તાજેતરમાં કેટલાક યુઝર્સે દાવો કર્યો કે ChatGPT દ્વારા આધાર કાર્ડ અને PAN કાર્ડ જેવા નકલી દસ્તાવેજો તૈયાર થઈ શકે છે.
X પ્લેટફોર્મ પર યશવંત સાંઈ પાલઘાટ (@yaswanthtweet) એ તસવીર શેર કરી અને ચેતવણી આપી કે AI આધાર અને પાન કાર્ડ જેવી વિગતોની નકલ કરી શકે છે, જે દેશની ડિજિટલ સુરક્ષામાં મોતો ખતરો ઊભો કરે છે. અન્ય યુઝર પીકુ (@RisingPiku) એ પણ જણાવ્યૂ કે માત્ર નામ, જન્મ તારીખ અને સરનામું આપતાં AI એ એવી ID બનાવી હતી જે મૂળ ID જેવી લાગતી હતી.
ChatGPT is generating fake Aadhaar and PAN cards instantly, which is a serious security risk.
This is why AI should be regulated to a certain extent.@sama @OpenAI pic.twitter.com/4bsKWEkJGr
— Yaswanth Sai Palaghat (@yaswanthtweet) April 4, 2025
હકીકતમાં, ChatGPT વ્યક્તિગત માહિતીના ડેટાને સંગ્રહતું નથી અને નકલી દસ્તાવેજો બનાવવાનો ઇરાદો પણ રાખતું નથી. પરંતુ કેટલાક લોકો તેના જ્ઞાનનો દુરુપયોગ કરી શકશે, એ શક્યતાને નકારી શકાતી નથી. આથી, ઓળખ ચોરી અને છેતરપિંડીની ચિંતા સતત વધી રહી છે.
I asked AI to generate an Aadhaar card with just a name, DOB, and address ..and it created a near-perfect replica. So now anybody can make fake replica of Aadhar and Pan card…
We keep talking about data privacy, but who’s selling these Aadhaar and Pancard datasets to AI… pic.twitter.com/0ugSiLuuqy— Piku (@RisingPiku) April 4, 2025
નિષ્ણાતો કહે છે કે સરકાર અને ટેક કંપનીઓએ મળીને કાયદાકીય માળખું ઘડવું જોઈએ, જે AIના દુરુપયોગને અટકાવે અને તેનાં લાભોને સુરક્ષિત રીતે ઉપયોગમાં લઈ શકાય. AI એક શક્તિશાળી સાધન છે, પરંતુ તેનો યોગ્ય વપરાશ જ સમાજ માટે લાભદાયક સાબિત થઈ શકે.
