Valsad: વલસાડમાં આવકવેરા વિભાગ દ્વારા મેગા સર્ચ ઓપરેશન હાથ ધરવામાં આવ્યું. જેમાં 544 કરોડ રૂપિયાના બેનામી વ્યવહારો મળી આવ્યા

Valsad વલસાડમાં આવકવેરા વિભાગનું મેગા સર્ચ ઓપરેશન! બિલ્ડર સામે તપાસ

એડવોકેટ વિપુલ કાપડિયાની ઓફિસમાંથી પણ ૨૦૦ કરોડ રૂપિયાના વ્યવહારો મળી આવ્યા છે

Valsad વલસાડના પ્રખ્યાત બિલ્ડર દિપેશ ભાનુશાળીના નિવાસસ્થાને આવકવેરા વિભાગે મેગા સર્ચ ઓપરેશન હાથ ધરવામાં આવી છે, જેમાં કરોડો રૂપિયાના બેનામી વ્યવહારો સામે આવતા કરચોરોમાં ફફડાટ ફેલાઈ ગયો છે. વલસાડમાં આવકવેરા વિભાગ દ્વારા મેગા સર્ચ ઓપરેશન હાથ ધરવામાં આવ્યું. જેમાં ૫૪૪ કરોડ રૂપિયાના બેનામી વ્યવહારો મળી આવ્યા હતા. વાપી , વલસાડ અને સુરતની ૧૬ ટીમો શોધમાં જાેડાઈ હતી.દીપેશ ભાનુશાળીના ઘરેથી ૧૦૦ કરોડ રૂપિયાના દસ્તાવેજાે મળી આવ્યા છે. દીપેશના ભાગીદાર જગદીશ સેઠિયા પાસેથી પણ ૧૦૦ કરોડ રૂપિયાના બેનામી વ્યવહારાની વિગતો મળી આવી છે.

બિપિન બિલ્ડર પાસેથી ૫૦ કરોડ રૂપિયા અને રાજેશ રાઠોડ પાસેથી ૪૦ કરોડ રૂપિયાના દસ્તાવેજાે જપ્ત કરવામાં આવ્યા છે. એડવોકેટ વિપુલ કાપડિયાની ઓફિસમાંથી પણ ૨૦૦ કરોડ રૂપિયાના વ્યવહારો મળી આવ્યા છે, જ્યારે રાકેશ જૈનની ઓફિસમાંથી ૪ કરોડ રૂપિયા અને ઘોરદરાની ઓફિસમાંથી ૨૦ કરોડ રૂપિયાના વ્યવહારો મળી આવ્યા છે.

દીપ સિંહ ઠાકોરની ઓફિસમાંથી ૨૦ કરોડ રૂપિયાના વ્યવહારો મળી આવ્યા છે. એવી શંકા છે કે વકીલની ઓફિસમાં મળેલા વ્યવહારો અન્ય બિલ્ડરોના છે. વાપીના આર્કિટેક્ટ મનીષ શાહના ચાર લોકરમાંથી ૨.૨૫ કરોડ રૂપિયાનું સોનું અને ૧૭.૫ લાખ રૂપિયાની રોકડ મળી આવી હતી. સંપૂર્ણ તપાસ બાદ કરચોરીનો ખુલાસો થઈ શકે છે. તપાસ ટીમે વલસાડ અને વાપીમાં જાણીતા બિલ્ડરો, જમીન વિકાસકર્તાઓ, વકીલો અને આર્કિટેક્ટ્‌સના પરિસરમાં દરોડા પાડ્યા હતા.

વાપી તપાસ ટીમના વડા આર.પી. મીણા આ કાર્યવાહીનું નેતૃત્વ કરી રહ્યા છે. દિપેશભાઈ ભાનુસાળી અને તેમના ભાઈ હિતેશભાઈ ભાનુસાળી અને તેમના ભાગીદાર જગદીશ સેઠિયાની ઓફિસમાં તપાસ હાથ ધરવામાં આવી હતી. આવકવેરા વિભાગની ટીમોએ આ વ્યક્તિઓના કાર્યાલયો અને રહેઠાણો તેમજ તેમના ખાતાના પુસ્તકો, વ્યવસાયિક રેકોર્ડ અને વ્યક્તિગત મિલકતો પર વિગતવાર તપાસ હાથ ધરી છે.