વલસાડ પાલિકા માં ઓઇલ પ્રકરણ નું ભૂત ધૂંણી ઉઠ્યું:હાઇકોર્ટ દ્વારા તપાસ નો આદેશ

વલસાડ પાલિકા માં ફરી એકવાર ઓઇલ પ્રકરણ નો મુદ્દો ગાજયો છે અને કેટલીક જૂની વાતો ફરી એકવાર વિવાદ નો પર્યાય બની છે, આ સપાટી ઉપર આવેલી વાતો આજકાલ પાલિકા કેમ્પસ માં ચર્ચાસ્પદ બની ગઈ છે. વિગતો મુજબ સોનલબેન સોલંકી જ્યારે કારોબારી સમિતિ ના ચેરમેન હતા તે સમયગાળા માં તેઓ એ પોતાના સસરાજી ની દુકાન માંથી ઓઇલ ખરીદ કરવાના મામલા માં ચીફ ઓફિસર દ્વારા આ પ્રકરણ માં કલમ 38(2) મુજબ કાર્યવાહી કરવા જેતે સમયે રિપોર્ટ કરાયો હતો પરંતુ પાલિકા ના અન્ય ચીફ ઓફિસર દ્વારા સોનાલબેને આ પ્રકરણ માં કોઈજ આર્થિક લાભ લીધો નહીં હોવાના થયેલા રિપોર્ટ ને લઇ હવે મુસીબત ઉભી થઇ છે.
આ પ્રકરણ માં જે ચીફઓફિસર ની વાત છે તેમા જેતે વખતે પ્રાદેશિક નિયામક તકેદારી આયોગ અને તત્કાલીન ચીફ ઓફિસર જીગર પટેલ દ્વારા સોનલબેન ને જવાબદાર ઠેરવી તેઓ સામે કાર્યવાહી કરવાનો રિપોર્ટ થયો હતો, જોકે ત્યારબાદ તત્કાલીન સીઓ જગુ વસાવા એ ઓઇલ પ્રકરણ માં કોઈ લાભ નહિ લીધો હોવાનો રિપોર્ટ કર્યો હતો જેઓ એ તા.5-10-2015 ના રોજ જા.ન 1536/1516 થી નાયબ કલેક્ટર શ્રી ને પત્ર લખી આ મુજબ કરેલા રિપોર્ટ બાદ નાયબ કલેક્ટર દ્વારા પણ તા.20/10/2015 ના રોજ કલેકટર ને આજ મુજબ રિપોર્ટ કર્યો હતો.
હવે, આ પ્રકરણ ફરી એકવાર સપાટી ઉપર આવ્યું છે અને નામદાર હાઇકોર્ટ દ્વારા આ પ્રકરણ ની તપાસ માટે હાલ ના કલેક્ટર શ્રી ને આદેશ કરતા બે અઠવાડિયા માં વર્તમાન કલેક્ટર તપાસ કરી રિપોર્ટ આપી દેશે, જેમાં પ્રાદેશિક નિયામક અને તકેદારી આયોગ ના રિપોર્ટ સહિત અત્યાર સુધી ના ઘટનાક્રમ ને ધ્યાને રાખી તમામ પાસા ઉપર ફેર તપાસ થવાની શક્યતાઓ રહેલી હોવાનું સૂત્રો જણાવી રહ્યા છે.
આમ, ફરીએકવાર આ મુદ્દો સપાટી ઉપર આવતા પાલિકા કેમ્પસ માં આ પ્રકરણ ચર્ચાનું કેન્દ્ર બન્યું છે.