How to apply for passport online: પાસપોર્ટ માટે ઓફિસ જવાની જરૂર નથી! કરો ઓનલાઇન અરજી ઘેર બેઠા
How to apply for passport online: આજના ડિજિટલ યુગમાં, ભારત સરકાર પાસપોર્ટ મેળવવાની પ્રક્રિયા વધુ સરળ અને ઝડપી બનાવી રહી છે. હવે તમારે લાંબી લાઈનમાં ઊભા રહેવાની કે ઓફિસની મુલાકાત લેવાની જરૂર નથી. તમે ઘેર બેઠાં ઓનલાઇન અરજી કરી શકો છો. ચાલો જાણીએ આખી પ્રક્રિયા એક પછી એક પગલાંમાં:
પહેલું પગલું: સત્તાવાર પોર્ટલ પર જાઓ
સૌપ્રથમ તમે https://passportindia.gov.in પોર્ટલ પર જાઓ. આ વેબસાઈટ ભારત સરકારની છે જ્યાંથી તમે પાસપોર્ટ સંબંધિત તમામ સેવાઓ મેળવી શકો છો.
નવી નોંધણી કરો
પોર્ટલ પર “New User Register Now” વિકલ્પ પર ક્લિક કરો. અહીં તમારે તમારું નામ, જન્મ તારીખ, ઇમેઇલ અને મોબાઇલ નંબર જેવી માહિતી ભરીને Yourself રજિસ્ટર કરવું પડશે.
યુઝર આઈ.ડી. અને પાસવર્ડ મળ્યા બાદ લોગીન કરો
રજિસ્ટ્રેશન પછી તમને યુઝર આઈડી અને પાસવર્ડ મળશે. તેનો ઉપયોગ કરીને પોર્ટલમાં લોગિન કરો.
નવી અરજી કરો
લોગિન કર્યા પછી “Apply for Fresh Passport” અથવા “Re-issue of Passport” વિકલ્પ પસંદ કરો. હવે એક ફોર્મ આવશે જેમાં તમારે વ્યક્તિગત માહિતી, સરનામું વગેરે ભરી દેવું .પડશે …
ચુકવણી કરો અને એપોઇન્ટમેન્ટ ફિક્સ કરો
ફોર્મ ભર્યા પછી “Pay and Schedule Appointment” વિકલ્પ પર ક્લિક કરીને ચુકવણી કરો અને તમારું એપોઇન્ટમેન્ટ નિર્ધારિત કરો.તમારું નજીકનું પાસપોર્ટ સેવા કેન્દ્ર (PSK) અથવા પોસ્ટ ઓફિસ પોઈન્ટ પસંદ કરીને એપોઇન્ટમેન્ટ લેવી. ચુકવણી માટે નેટ બેન્કિંગ, ડેબિટ/ક્રેડિટ કાર્ડ કે UPIથી પેમેન્ટ કરી શકાય છે.
જરૂરી દસ્તાવેજો તૈયાર રાખો
અરજી કરતી વખતે નીચેના દસ્તાવેજો જરૂરી રહેશે:
ઓળખપત્ર (આધાર કાર્ડ, મતદાર ID)
જન્મ પ્રમાણપત્ર
સરનામાનો પુરાવો (બેંક સ્ટેટમેન્ટ, વીજ બિલ)
ફી સામાન્ય રીતે ₹1500 થી ₹2000 સુધી હોય છે. તત્કાલ સેવા માટે વધુ ચૂકવવું પડે છે.
મોબાઇલ એપ પણ છે સહાયક
તમે Google Play Store પરથી ‘mPassport Seva’ એપ ડાઉનલોડ કરી શકો છો. એ એપ દ્વારા તમે એપોઇન્ટમેન્ટ, એપ્લિકેશન સ્ટેટસ, અને અન્ય અનેક સેવાઓ સરળતાથી મેળવી શકો છો.
અંતિમ ટિપ:
તમારું ફોર્મ ધ્યાનથી ભરો, દસ્તાવેજો સાચા અપલોડ કરો અને નિર્ધારિત દિવસે PSK કે POPSK સેન્ટર પર સમયસર જાઓ. થોડી જ વખતમાં તમારું પાસપોર્ટ તમારા ઘેર આવી જશે!
