Bank Nomination Rules : બેંક ખાતામાં હવે ચાર લોકો સુધી બની શકે છે વારસદાર, જાણો નવા નિયમો
Bank Nomination Rules : બેંક ખાતા સાથે જોડાયેલા ઘણાં નિયમોમાં હવે મોટો બદલાવ આવ્યો છે. અત્યારસુધીમાં માત્ર એક વ્યક્તિને નોમિની તરીકે નામ આપવાની છૂટ હતી, પરંતુ હવે નવી ગાઈડલાઈન અનુસાર એક જ ખાતામાં ચાર લોકો સુધીના નોમિનેશન થઇ શકે છે. આ ફેરફાર નાણાંના વિતરણને વધુ પારદર્શક અને વિવાદરહિત બનાવવાનો પ્રયાસ છે.
હમણાં જ રાજ્યસભામાં બેંકિંગ કાયદા સંશોધન બિલ પસાર થયું છે, જેના અંતર્ગત આ નવો નિયમ અમલમાં આવ્યો છે. આ મુજબ, હવે ખાતાધારક તેના જીવનસાથી સિવાય પણ માતા-પિતા, પુત્ર-પુત્રી અથવા અન્ય નજીકના સગાંને પણ નોમિની બનાવી શકે છે. મહત્વની વાત એ છે કે, ખાતાધારક એ પણ નક્કી કરી શકે છે કે કોને કેટલા ટકા રકમ મળે.
શું છે નવી પદ્ધતિ? જાણો બંને પ્રકારના નવો નોર્મ
સિમલ્ટેનિયસ (Simultaneous) નોમિનેશન: આ પદ્ધતિ હેઠળ ખાતાધારક આગળથી સ્પષ્ટ કરી શકે છે કે કુલ રકમ કેટલી ટકાવારીમાં દરેક નોમિનીને ફાળવવી છે. જેમ કે, જો ખાતામાં ₹10 લાખ છે અને 3 નોમિની છે, તો તમે તેમને 40%, 30% અને 30% પ્રમાણે રકમ વહેંચી શકો છો.
સફલ (Successive) નોમિનેશન: આ રીતે જો પ્રથમ નોમિની ન મળે કે મૃત્યુ પામે, તો આગળના ક્રમમાં બીજા અને પછી ત્રીજા વ્યક્તિને રકમ આપવાની વ્યવસ્થા થાય છે. આ પદ્ધતિ વિવાદ નિવારવા માટે ઘણી ઉપયોગી સાબિત થઈ રહી છે.
નવો નિયમ કેટલો ઉપયોગી?
નોમિનેશનના નવા નિયમોનો સૌથી મોટો લાભ એ છે કે ખાતાધારક પોતાની ઈચ્છા અનુસાર પૈસા વહેંચી શકે છે અને વારસાગત વિવાદોથી બચી શકે છે. સાથે જ, દસ્તાવેજી પ્રક્રિયા વધુ સ્પષ્ટ અને ઝડપી બની શકે છે.
