જૂનમાં ચોમાસાની પ્રગતિ ઝડપી પણ અનિયમિત રહી છે. સીઝનના પહેલા મહિનામાં વરસાદ સામાન્ય કરતાં પાંચ ટકા ઓછો રહ્યો છે. તેને લીધે ખરીફ અથવા ઉનાળુ પાકના વાવેતરમાં અવરોધ નોંધાયો છે. ખાસ કરીને કઠોળ અને તેલીબિયાંની વાવણી ઘટી છે. ચોમાસાની શઆત તો ધમાકેદાર થઇ હતી અને દક્ષિણ ભારત તેમજ મહારાષ્ટ્ર જેવા 5શ્ર્ચિમના રાજ્યોમાં ભારે વરસાદ થયો હતો. જોકે, ત્યાર પછી ચોમાસાએ બે સપ્તાહનો બ્રેક લીધો હતો. હવે જૂનના અંત સુધીમાં ચોમાસાએ સમગ્ર દેશને આવરી લીધો છે, જે સામાન્ય કરતા 15 દિવસ વહેલું છે. અનિયમિત વરસાદને કારણે પાકનું વાવેતર 21 ટકા ઘટીને 165.2 લાખ હેકટર થયું છે. જોકે, નિષ્ણાંતોના જણાવ્યા અનુસાર વાવેતર અંગે અત્યારથી કંઇ કહેવું ઘણું વહેલું છે. વરસાદમાં સુધારાની સાથે જ ખેડૂતો ઝડપથી વાવણી કરી શકે. જૂનના મધ્ય ભાગમાં વરસાદે વિરામ લીધા પછી ચોમાસામાં સુધારાને કારણે ઘટ 12 ટકાથી ઘટીને 5 ટકા થઇ છે. હવામાન વિભાગે આ વખતે સામાન્ય ચોમાસાની આગાહી કરી છે.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.