ફોર્બ્સની ધનકુબેરોની યાદીમાં મુકેશ અંબાણી પ્રથમ, અદાણી 10મા ક્રમે

મુંબઈ : ફોર્બ્સ ઇન્ડિયાએ ધનકુબેરોનું લિસ્ટ જાહેર કર્યું છે, જેમાં રિલાયન્સ ઇન્ડસ્ટ્રીઝના ચેરમેન મૂકેશ અંબાણીનો દબદબો યથાવત્ જોવા મળ્યો છે. ટોપ ટેનની યાદીમાં મૂકેશ અંબાણી નંબર વન છે. મૂકેશ અંબાણીની સંપત્તિ ૩૮૦૦ કરોડ ડોલર છે, જ્યારે વિપ્રોના અઝીમ પ્રેમજી ૧૯૦૦ કરોડની સંપત્તી સાથે યાદીમાં બીજા ક્રમે આવ્યા છે. ત્રીજા ક્રમે હિંદુજા બ્રધર્સ અને ચોથા ક્રમે લક્ષ્મી મિત્તલ છે, જ્યારે પાંચમા ક્રમે પાલોમજી મિસ્ત્રી આવ્યા છે. જ્યારે છઠ્ઠા ક્રમે ગોદરેજ પરિવાર છે, જેઓની સંપત્તિ ૧૪૦૦ કરોડ ડોલર છે, જ્યારે ૧૩૦૦ કરોડ ડોલરની સંપત્તિ ધરાવતા શિવ નાદર ફોર્બ્સની યાદીમાં સાતમા ક્રમે છે. ૧૨૫૦ કરોડ ડોલર સાથે કુમાર બિરલા આઠમા ક્રમે અને ૧૨૦૦ કરોડ ડોલરની સંપત્તિ ધરાવતા દિલીપ સંઘવી નવમા ક્રમે આવ્યા છે. ૧૧ કરોડ ડોલરની સંપત્તિ ધરાવતા ગૌતમ અદાણી દસમા નંબરે આવ્યા છે.