ગુજરાતીઓ ગોલ્ડ પાછળ પાગલ થશે, ચાંદી ગાયબ

ગુજરાતી પરિવારો તહેવારોના સમયમાં ગોલ્ડ ખરીદે છે તે ફરી એકવાર સાબિત થશે, કેમ તે ગુજરાતી પરિવારોએ ગોલ્ડની ખરીદીમાં ઇન્ટરેસ્ટ બતાવ્યો છે, જ્યારે ચાંદીને લોકો ધીમે ધીમે તિલાંજલિ આપી રહ્યા છે. તહેવારોની મોસમમાં સોનાનાં ઘરેણાંની સારી માગ રહેશે એમ જ્વેલરી બજાર માને છે અને ઓગસ્ટ મહિનામાં થયેલી સોનાની આયાતના આંકડા તેને અનુરૂપ છે. ગયા વર્ષે ઓગસ્ટ મહિનામાં અમદાવાદ એરકાર્ગો કોમ્પ્લેક્સ ખાતે માત્ર 0.64 ટન સોનાની આયાત થઈ હતી તેની સામે ચાલુ વર્ષે 11.10ટન સોનાની આયાત નોંધાઈ છે. અમદાવાદ એરકાર્ગો ખાતે આયાત થતું સોનું ગુજરાત ઉપરાંત રાજસ્થાન અને મધ્યપ્રદેશમાં પણ પહોંચે છે. જો કે ચાંદીની આયાતમાં ઘટાડો થયો હોવાથી ચાંદી બજારમાં મંદી જેવો માહોલ છે. દિવાળીના તહેવારોમાં લોકો ગોલ્ડ વધુ અને ચાંદી ઓછી ખરીદે છે. ઓગસ્ટ મહિનાની સોનાની 11.10 ટનની આયાત 2015ની 15 ટન આયાત બાદ સૌથી ઊંચી છે. વર્ષ 2016માં ઓગસ્ટ મહિનામાં 2.11 ટન સોનાનીઆયાત નોંધાઈ હતી. જુલાઈ મહિનામાં પણ અમદાવાદ ખાતે ચાર ટન સોનાની આયાત નોંધાઈ હતી અને તેના પરથી સ્પષ્ટ થયું હતું કે તહેવારોનીમોસમ અગાઉ ઝવેરી બજાર સારી માગ માટે તૈયાર છે. દિવાળી વખતે સોનાની સારી માગ ખૂલવાની અપેક્ષા છે કારણ કે રક્ષાબંધન બાદ સોનાનું સારું વેચાણ જોવા મળી રહ્યું છે. સોનાના ભાવ પણ મજબૂતરહ્યા છે અને શેરબજાર પણ તેજીમાં છે તેથી તહેવારોની મોસમમાં સોનાની માગ ઊંચી રહેશે એ નક્કી છે. સારા ઓર્ડરની અપેક્ષાએ સોની બજારેઆયાત વધારી છે.