હોટેલના વાસ્તવિક ભાડા પર આપવો પડશે જીએસટી

હવે તમને હોટલમાં રોકાવા પર ઉંચા ટેક્સ રેટથી ટેક્સ આપવો નહી પડે કારણ કે ગુડ્સ એન્ડ સર્વિસ ટેક્સ કાઉન્સિલે ટેક્સ રેટ માટે ‘ટ્રાજેક્શન વેલ્યૂ’ના માપદંડનો સ્વીકાર કરી લીધો છે. હોટલ ઇન્ડસ્ટ્રીઝ આ માટે છેલ્લા વર્ષે જૂલાઇથી જ લોબિંગ કરી રહી હતી જ્યારે જીએસટીને લાગુ કરવામાં આવ્યો હતો. ટેક્સ રેટ માટે ‘ડિક્લેયર્ડ ટેરિફ’નો અર્થ એ હતો કે ગ્રાહકોને અગાઉ રૂમ ટેરિફના લોઅર સ્લેબમાં આવવા પર પણ ઉંચો ટેક્સ ચૂકવવો પડતો હતો. હોટલો માટે જીએસટીના ત્રણ સ્લેબ 12 ટકા, 18 ટકા અને 28 ટકા છે. કેન્દ્ર અને રાજ્ય સરકારોએ ‘ડિક્લેયર્ડ ટેરિફ’ને ‘વેલ્યૂ ઓફ સપ્લાય’થી રિપ્લેસ કરીને નવો નિયમ બનાવી દીધો છે. જે ટ્રાજેક્શન વેલ્યૂના બરોબર છે. જોકે, નિષ્ણાતોએ આ ફેરફારને રૂમ ટેરિફ સુધી સિમિત રાખવાને લઇને હેરાન છે. આ ફેરફારને હોટલોની અંદર આવેલી રેસ્ટોરન્ટ પર પણ લાગુ કરવામા આવ્યો નથી. હોટલો માટે ત્રણ રેટ સ્લેબ છે. પ્રથમ પ્રતિ દિવસ 1000 રૂપિયા અને 2500 રૂપિયાના રૂમ ટેરિફનો છે જેમાં 12 ટકાનો રેટ ઇનપુટ ટેક્સ ક્રેડિટની સાથે વસૂલવામાં આવે છે. બીજા સ્લેબમાં 2500 રૂપિયા અને તેનાથી વધુ પરંતુ 7500થી ઓછા રૂમ ટેરિફની કેટેગરી છે જેમાં ઇનપુટ ટેક્સ ક્રેડિટની સાથે 18 ટકાનો ટેક્સ લેવામે આવે છે. ત્રીજા સ્લેબમાં 5 સ્ટાર હોટલો સામેલ છે. જેમાં રૂમ ટેરિફ 7700 રૂપિયા અને તેનાથી વધુ છે. તેમાં ઇનપુટ ટેક્સ ક્રેડિટની સાથે 28 ટકા ટેક્સ વસૂલાય છે. અગાઉની સિસ્ટમમાં રૂમનો ડિક્લેયર્ડ ટેરિફ 7500 રૂપિયાથી વધુ હોવા પર 28 ટકા જીએસટી ચૂકવવો પડતો હતો પછી ભલે વાસ્તવિક ભાડુ છૂટને કારણે ઓછુ થયું હોય. તાજેતરના ફેરફારથી આ ખામી દૂર થઇ ગઇ છે. આ અંગે પીડબલ્યૂસીમાં પાર્ટનર અનીતા રસ્તોગીએ કકહ્યું કે, હોટલોમાં હવે ટ્રાજેક્શન વેલ્યૂ પર ટેક્સ આપવો પડશે જે સારી બાબત છે. ડિક્લેયર્ડ ટેરિફનો કોન્સેપ્ટ હવે ખત્મ થઇ ગયો. ઇન્ડસ્ટ્રી ઘણા સમયથી માંગ કરી રહી હતી. જીએસટી કાઉન્સિલનો નિર્ણય યોગ્ય છે. જોકે, તેમણે હોટલોની અંદર રેસ્ટોરન્ટને લઇને ચિંતા હજુ હોવાની વાત કરી હતી.