નિફ્ટીએ સતત બીજી F&O સિરીઝમાં ઘટાડો દર્શાવ્યો છે. માર્ચ ડેરિવેટિવ્ઝ સિરીઝમાં નિફ્ટી અને સેન્સેક્સમાં 2.5 ટકા ઘટાડો નોંધાયો છે. સમાન ગાળામાં બેન્ક નિફ્ટી 2.6 ટકા ઘટ્યો છે. બુધવારે F&O એક્સ્પાયરી અંગે નિષ્ણાતોએ જણાવ્યું હતું કે, આગામી સિરીઝમાં ત્રણ મહિનાની સરેરાશ કરતાં વધુ રોલઓવર થયું છે. જોકે, નવી સિરીઝમાં કેરી ફોરવર્ડ કરાયેલી મોટા ભાગની પોઝિશન મંદીની છે. મોટા ભાગના વિશ્લેષકોને એપ્રિલ સિરીઝમાં બજાર મંદ રહેવાનો અંદાજ છે. એડલવાઇઝ સિક્યોરિટીઝના જણાવ્યા અનુસાર નિફ્ટી રોલઓવર 69 ટકા રહ્યું છે, જે છેલ્લી ત્રણ સિરીઝના 67 ટકાની તુલનામાં ઊંચું છે. માર્કેટવાઇડ રોલઓવર છેલ્લી ત્રણ એક્સ્પાયરીની 79 ટકાની સરેરાશ સામે 82 ટકા રહ્યું છે. એપ્રિલ સિરીઝમાં નિફ્ટી ફ્યુચર્સનો ઓપન ઇન્ટરેસ્ટ ₹21,200 કરોડે રહ્યો છે, જે માર્ચ સિરીઝના પ્રારંભે ₹19,900 કરોડ હતો. સેક્ટરની વાત કરીએ તો IT, FMCGમાં તેજીની પોઝિશન નોંધાઈ હતી. PSU બેન્કો અને સિમેન્ટ કંપનીઓમાં ટ્રેડર્સે શોર્ટ પોઝિશન રોલઓવર કરી હતી. IIFL વેલ્થના ડેરિવેટિવ એનાલિસ્ટ હેમંત નાહટાએ જણાવ્યું હતું કે, રોલઓવરમાં મંદી તરફી ઝોક રહ્યો છે. નવી સિરીઝના પ્રથમ પખવાડિયામાં બજાર નરમ રહેવાની ધારણા છે. બીજા પખવાડિયાની ચાલનો આધાર કંપનીઓના ત્રિમાસિક પરિણામ અને વૈશ્વિક બજારો પર રહેશે. એપ્રિલ સિરીઝમાં નિફ્ટીનો ઓપ્શન્સ ડેટા 10,000 અને 9,800ની સ્ટ્રાઇક પ્રાઇસમાં સૌથી વધુ પોઝિશન સૂચવે છે. 10,500ની સ્ટ્રાઇક પ્રાઇસના નિફ્ટી કોલ ઓપ્શન્સમાં મહત્તમ પોઝિશન છે.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.