બેન્ક ઓફ બરોડા, સેન્ટ્રલ બેન્ક સહિત આ 4 બેન્કો થઇ જશે બંધ

બેન્કિંગ સેકટરની સ્થિતિ સુધારવા માટે મોદી સરકાર ટૂંક સમયમાં જ મોટું પગલું ઉઠાવા જઇ રહી છે. સરકાર એક મેગા મર્જરના પ્લાન પર કામ કરી રહી છે. 4 સરકારી બેન્કોને મર્જર કરીને એક મોટી બેન્ક બનાવાની તૈયારી કરી રહ્યું છે. સૂત્રો પાસેથી મળતી માહિતી પ્રમાણે IDBI, ઓરિએન્ટેલ બેન્ક ઓફ કોમર્સ (OBC), સેન્ટ્રલ બેન્ક ઓફ ઇન્ડિયા અને બેન્ક ઓફ બરોડા (BoB)ને મર્જ કરી એક મોટી બેન્ક બનાવાનો પ્રસ્તાવ છે. જો આમ થયું તો સ્ટેટ બેન્ક ઓફ ઇન્ડિયા (SBI) પછી આ બેન્ક દેશની સૌથી મોટી બેન્ક બની જશે. નવી બેન્કની પાસે 16.58 લાખ કરોડ રૂપિયાની એસેટ હશે. આપને જણાવી દઇએ કે નાણાંકીય વર્ષ 2018મા આ ચારેય બેન્કોને કુલ મળી અંદાજે 21664 હજાર કરોડ રૂપિયાની ખોટ થઇ છે. તેના લીધે સરકાર આ ચારેય બેન્કોને મર્જ કરીને એક નવી બેન્ક બનાવાની તૈયારી કરી રહ્યું છે. નાણાં મંત્રાલયના સૂત્રોના મતે આવી સ્થિતિમાં બેન્કોની સ્થિતિ સુધારવામાં સફળતા મળશે. સાથો સાથ નબળી બેન્કોની નાણાંકીય સ્થિતિમાં પણ સુધારો થઇ શકશે.
સરકાર ચારેય બેન્કોને મર્જર કરીને નવી બેન્ક બનાવશે. આ બેન્કોને ચારેય બેન્કોની 16.58 કરોડ રૂપિયાની એસેટ મળશે. આટલી મોટી એસેટની સાથે નવી બેન્ક દેશની બીજી સૌથી મોટી બેન્ક હશે. સૂત્રોનું કહેવું છે કે જે રીતે સ્ટેટ બેન્ક ઓફ ઇન્ડિયામાં તેની સહયોગી બેન્કોને મર્જર કરાઇ હતી તેવી જ રીતે આ પ્રક્રિયાને પૂરી કરી શકાય છે.