ઉદ્યોગપતિ મુકેશ અંબાણીનો મોટો દીકરો આકાશ અંબાણી શ્લોકા મહેતા સાથે સગાઇ કરવા જઈ રહ્યો છે. તે પહેલા ૨૪ માર્ચના રોજ ગોવામાં તેમની પ્રી-એન્ગેજમેન્ટ સેરમની રાખવામાં આવી હતી. સૂત્રોના જણાવ્યા મુજબ શ્લોકાનો જન્મ ૧૧ જુલાઈ ૧૯૯૦માં થયો હતો અને તે હાલમાં મુંબઈના માલાબાર હિલ્સમાં રહે છે. શ્લોકા હીરાના વેપારી રસેલ મહેતાની સૌથી નાની દીકરી છે. આકાશ અને શ્લોકાએ ધીરુભાઈ અંબાણીના ઇન્ટરનેશનલ સ્કૂલમાં સાથે અભ્યાસ કર્યો હતો. શ્લોકાએ ધીરુભાઈ અંબાણી ઇન્ટરનેશનલ સ્કૂલમાં અભ્યાસ બાદ વર્ષ ૨૦૦૯માં અમેરિકા સ્થિત ન્યૂજર્સીમાં પ્રિન્સટન યુનિવર્સિટીમાં આગળનો અભ્યાસ કરવા ગઈ હતી. ત્યાર બાદ તેણે ધ લંડન સ્કૂલ ઓફ ઇકોનોમિકસ એન્ડ પોલિટિક્સ સાયન્સમાંથી લોમાં માસ્ટર્સ કર્યું છે. જુલાઈ ૨૦૧૪થી તે રોજી બ્લૂ ફાઉન્ડેશનની ડાયરેક્ટર છે. તે ConnectForની કો-ફાઉન્ડર પણ છે. આ સંસ્થા એનજીઓને વોલેન્ટર સાથે જોડવાનું કામ કરે છે. મીડિયા રીપોર્ટસ પ્રમાણે બન્ને આ વર્ષના એન્ડ સુધીમાં લગ્નના બંધનમાં બંધાઈ જશે. આકાશ અંબાણી અને શ્લોકાના લગ્ન મુંબઈમાં જ થશે.
