સગાઈ પહેલા Akash Ambani – શ્લોકા મહેતાની મહેંદી સેરેમની

બુધવારે મુંબઈમાં મુકેશ અંબાણી-નીતા અંબાણીના પુત્ર Akash Ambani ની શ્લોકા મહેતા સાથે પ્રી-એંગેજમેન્ટ મહેંદી સેરેમની હતી. બંનેની મહેંદી સેરેમનીના કેટલાક ફોટોઝ સોશિયલ મીડિયા પર વાયરલ થઇ રહ્યા છે. આ ફંક્શનમાં પ્રિયંકા ચોપરા તેના બોયફ્રેન્ડ નિક જોનસ સાથે પહોચી હતી. મેહંદી ફંક્શન માટે શ્લોકાએ નેવી બ્લુ એન્ડ ક્રીમ કલરનો લહેંગો પહેર્યો હતો. બીજી તરફ,આકાશ સિમ્પલ વ્હાઈટ કુર્તામાં નજર આવ્યો હતો. આકાશ અંબાણી અને શ્લોકા મહેતાની સગાઈની ૩૦ જૂનના રોજ મુંબઈમાં થશે. આ સગાઈમાં ઘણી મોટી હસ્તીઓ સામેલ થશે. મહેમાનને આમંત્રણ મોકલવા માટે સ્પેશિયલ ડિજીટલ કાર્ડ પણ બનાવવામાં આવ્યું છે. નીતા અંબાણીએ મુંબઈના સિદ્ધિવિનાયક મંદિરમાં પૂજા-અર્ચના કરી અને ભગવાનના ચરણોમાં આમંત્રણ કાર્ડ ચઢાવ્યું હતું. તમને જણાવી દઈએ કે, આ કાર્ડમાં શ્લોક અને આકાશ અંબાણીનો ફોટો પણ લગાવેલો છે. નીતા અંબાણી સાથે તેમના નાના પુત્ર અનંત અંબાણી પણ હાજર હતા. ડિજીટલ કાર્ડમાં શ્લોકા અને આકાશ અંબાણીની તસવીરો સાથે મહેમાનોને સગાઈની તારીખ અને સમય વિશે સૂચિત કરવામાં આવ્યા છે. કાર્ડની શરૂઆત શ્લોકા અને આકાશ અંબાણીની તસ્વીર અને SA (શ્લોકા-આકાશ) ના લોગો સાથે થઇ રહી છે. ડિજીટલ કાર્ડમાં બેકગ્રાઉન્ડ મ્યુઝીક સુપરહીટ ફિલ્મ ‘કાઈપો છે’ નું એક સોંગ આપવામાં આવ્યું છે. શ્લોકા અને આકાશ અંબાણીની સગાઈનું વેન્યુ મુંબઈમાં બનેલ શાનદાર એન્ટીલિયા છે. ઉલ્લેખનીય છે કે, આકાશ અંબાણી અને શ્લોક મહેતાની પ્રી-એન્ગેજમેંટ ૨૪ માર્ચે ગોવામાં થઇ હતી. ભારતના સૌથી અમીર વ્યક્તિ અને રિલાયન્સ ઇન્ડસ્ટ્રીઝ લિમિટેડના માલિક મુકેશ અંબાણીના પુત્ર આકાશ અંબાણીની ડાયમંડ બિઝનેશમેન રસેલ મહેતાની પુત્રી શ્લોકા મહેતા સાથે ગોવામાં પ્રી-એન્ગેજમેંટ કર્યા બાદ અંબાણી પરિવારે ગ્રાંડ પાર્ટીનું આયોજન કર્યું હતું. આ ખુશીના અવસર પર ૨૬ માર્ચે અંબાણી પરિવારે એક ગ્રાંડ સેલિબ્રેશનનું આયોજન કર્યું હતું. આ સેલિબ્રેશનમાં ઘણી હસ્તીઓ હાજર રહી હતી. શ્લોકા અને આકાશે પાર્ટીમાં કેક કટિંગ કરી અને સેલિબ્રેશન કર્યું હતું. આ ઇવેન્ટને વધારે ખાસ બનાવવા માટે અંબાણી પરિવાર તરફથી બોલિવુડ, રાજનીતિ અને ક્રિકેટ જગતની હસ્તીઓને આમંત્રિત કરવામાં આવ્યા હતા. ૨૭ વર્ષના આકાશ મુકેશ અંબાણીના મોટા પુત્ર છે. રસેલ મહેતાનો પરિવાર સાઉથ મુંબઈમાં રહે છે. આકાશ અને શ્લોકા, ધીરુભાઈ અંબાણી આંતરરાષ્ટ્રીય શાળામાં અભ્યાસ કર્યો હતો. આકાશ હજુ રિલાયન્સ જિયોના બોર્ડમાં છે, જ્યારે શ્લોકા રોજી બ્લૂ ફાઉન્ડેશનની નિર્દેશક છે.