Airtelએ પસંદગીના સર્કલમાં એક નવો પ્રીપેડ પ્લાન લોન્ચ કર્યો છે. આ પ્લાનમાં વોઇસ કોલિંગના ફાયદા ગ્રાહકોને આપવામાં આવશે. પરંતુ ડેટાનો લાભ ગ્રાહકોને મળશે નહીં. કંપનીએ આ પ્લાનની કિંમત 299 રૂપિયા રાખી છે. એરટેલનો આ નવો પ્લાન એવા સમયમાં લોન્ચ કરવામાં આવ્યો છે જ્યારે વોડાફોન અને રિલાયન્સ જીયો જેવી કંપનીઓ આ કિંમત પર ડેટા અને કોલ બન્નેના ફાયદા ગ્રાહકો સુધી પહોંચાડી રહી છે. જોકે 299 રૂપિયા વાળા પ્લાનને માય એરટેલ એપ અને એરટેલની અધિકારીક વેબસાઇટ પર લાઇવ કરી દેવામાં આવ્યો છે. જે સર્કલોમાં ગ્રાહમ આ પ્લાનનો લાભ લઇ શકશે તેમા આંધ્રપ્રદેશ, તેલંગાના, બિહાર, ઝારખંડ, ગુજરાત, મહારાષ્ટ્ર, ગોવા, UP ઇસ્ટ, UP વેસ્ટ અને ઉત્તરાખંડનું નામ સામેલ છે. 299 રૂપિયા વાળા પ્લાનની વાત કરીએ તો એરટેલ તેમા અનલિમિટેડ વોઇસ કોલિંગ, રોજના 100 SMS અને 45 દિવસની વેલિડિટી આપી રહ્યા છે. અનલિમિટેડ કોલિંગમાં ફ્રી રોમિંગના ફાયદા પણ ગ્રાહકોને મળશે. તે સિવાય તમને જણાવી દઇએ કે Airtel હાલમાં જ સ્બસક્રાઇબર્સને 87.5 ટકા સુધી વધારે ડેટા આપવા માટે પોતાના 499 રૂપિયા વાળા પોસ્ટપેડ પ્લાનમાં બદલાવ કર્યો હતો. કંપનીનો 499 રૂપિયા વાળો પ્લાન એરટેલના માય પ્લાન ઇનફિનિટીની અંદર ‘બેસ્ટ સેલિંગ પોસ્ટપેડ પ્લાન્સ’ની અંતર્ગત આવે છે. અંહી 399 રૂપિયા, 649 રૂપિયા, 799 રૂપિયા અને 1199 રૂપિયા વાળા અન્ય પ્લાન્સ પણ છે. કંપનીએ અન્ય પ્લાન્સમાં કોઇ પ્રકારનો બદલાવ કર્યો નથી. પરંતુ હવે 499 રૂપિયા વાળા પ્લાનમાં ગ્રાહકોને 75 GB ડેટા આપવામાં આવી રહ્યો છે. પહેલા આ પ્લાનમાં ગ્રાહકોને 40GB/3G/4G ડેટા આપવામાં આવતો હતો. તુલનાત્મક રીતે વાત કરીએ તો જીયોની પાસે ફક્ત એક 199 રૂપિયા વાળા પોસ્ટપેડ પ્લાન છે. જેમા 25GB ડેટા ગ્રાહકોને આપવામાં આવે છે.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.