મુંબઈ, તા.૪ : અમેરિકી ડોલરના નિકાસકારો દ્વારા વેચાણના પરિણામ સ્વરુપે અમેરિકી ડોલર સામે રૂપિયો આજે મજબૂતિ સાથે બંધ રહ્યો હતો. ડોલર સામે રૂપિયો આજે કારોબારના અંતે ૬૬.૭૨ની રેંજમાં રહ્યો હતો. ફોરેક્સ ડિલરોનું કહેવું છે કે, અન્ય ચલણ સામે ડોલરની નબળાઈ જોવા મળી હતી. જેના લીધે રૂપિયાને ટેકો મળ્યો હતો પરંતુ સ્થાનિક શેરબજારમાં મંદીના પરિણામ સ્વરુપે રૂપિયામાં વધારે મજબૂતી જોવા મળી શકી ન હતી. ઇન્ટરબેંક ફોરેન એક્સચેંજ માર્કેટમાં ડોલર સામે રૂપિયો આજે ૬૬.૭૩ની સપાટીએ ખુલ્યો હતો. ગઇકાલે ડોલર સામે રૂપિયો ૬૬.૭૫ની સપાટીએ રહ્યો હતો. ૪.૪૫ વાગે કારોબાર બંધ થતા પહેલા રૂપિયો ૬૬.૭૬ અને ૬૬.૭૦ની રેંજમાં રહ્યો હતો. વિદેશી બજારમાં ડોલરમાં અફડાતફડી રહી હતી. ડોલર ઇન્ડેક્સ ૦.૧ ટકા ઉછળીને ૯૭.૨૪૪ની સપાટીએ રહ્યો હતો. સેંસેક્સ આજે કારોબારના અંતે ૧૫૬ પોઇન્ટ ધટીને ૨૭૨૭૪ની સપાટીએ રહ્યો હતો જ્યારે નિફ્ટી ૫૧ પોઇન્ટ ધટીને ૮૪૩૪ની સપાટીએ રહ્યો હતો.
SATYA DESK
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.