Mukesh ambani: નવા વર્ષ પહેલા મુકેશ અંબાણીએ Jio યુઝર્સને આપ્યો ઝટકો, આટલું થશે નુકસાન
Mukesh ambani: નવા વર્ષ પહેલા રિલાયન્સ જિયોએ તેના યુઝર્સને મોટો ઝટકો આપ્યો છે. Jio વાઉચર દ્વારા રિચાર્જ કરનારા ગ્રાહકો માટે ખરાબ સમાચાર છે. કંપનીએ 19 રૂપિયા અને 29 રૂપિયાના સસ્તા Jio વાઉચર પ્લાનની વેલિડિટી ઘટાડી છે. પહેલા આ વાઉચર્સની વેલિડિટી એક્ટિવ પ્લાનની વેલિડિટી સુધી હતી, પરંતુ હવે તેને ઘટાડીને 1 દિવસ અને 2 દિવસ કરી દેવામાં આવી છે.
Jio ના નવા નિર્ણય હેઠળ:
- હવે 19 રૂપિયાના Jio વાઉચર પર માત્ર 1 દિવસની વેલિડિટી મળશે.
- 29 રૂપિયાના વાઉચરની વેલિડિટી 2 દિવસ સુધી મર્યાદિત રહેશે.
- અગાઉ, આ પ્લાન્સની વેલિડિટી એક્ટિવ પ્લાનની વેલિડિટી સુધી હતી. હવે વપરાશકર્તાઓને આ વાઉચર્સ પર મર્યાદિત સમયગાળાના લાભો મળશે.
ડેટા વાઉચરની કિંમતમાં ફેરફાર
Jio વપરાશકર્તાઓ જ્યારે તેમનો નિયમિત ડેટા ખતમ થઈ જાય ત્યારે ડેટા વાઉચર લેતા હતા. આ વર્ષે 3 જુલાઈથી કંપનીએ પોતાના તમામ પ્લાન મોંઘા કરી દીધા હતા. 15 રૂપિયાના ડેટા વાઉચરની કિંમત 19 રૂપિયા અને 25 રૂપિયાના ડેટા વાઉચરની કિંમત 29 રૂપિયા કરવામાં આવી છે.
Jio નો 601 રૂપિયાનો અનલિમિટેડ પ્લાન
Jio એ તાજેતરમાં એક નવો અનલિમિટેડ ડેટા પ્લાન પણ લોન્ચ કર્યો છે, જેમાં યુઝર્સને 5G નેટવર્ક સાથે 601 રૂપિયામાં એક વર્ષ માટે અમર્યાદિત ડેટા સુવિધા મળશે. જો કે, આ માટે એક શરત છે – યુઝર્સે સૌપ્રથમ Jioના 1.5 GB પ્રતિ દિવસ ડેટા પ્લાનમાંથી કોઈ પણ સબસ્ક્રાઈબ કરવું પડશે. આ પ્લાન 12 અપગ્રેડ વાઉચર ઓફર કરે છે, જે એક મહિનામાં એક પછી એક રિડીમ કરી શકાય છે. આ વાઉચર્સની વેલિડિટી 30 દિવસની છે.
