Microsoft
Microsoft AI Feature: વિન્ડોઝમાં મળેલ આ એઆઈ ફીચર સ્ક્રીન પર દેખાતી દરેક વસ્તુને યાદ રાખશે. આવી સ્થિતિમાં ઘણા યુઝર્સને ડર છે કે આ તેમની પ્રાઈવસી માટે મોટો ખતરો બની શકે છે.
Mircrosoft Photographic Memory Feature in Windows: માઇક્રોસોફ્ટે નવી સુવિધાઓ સાથે લેટેસ્ટ સ્મોલ લેંગ્વેજ મોડલ Phi-3 લોન્ચ કર્યું છે. કંપનીના CEO સત્ય નડેલાએ માઇક્રોસોફ્ટ બિલ્ડ 2024 ઇવેન્ટમાં Phi-3 ના ત્રણ નવા AI મોડલ લોન્ચ કર્યા છે. આ નવું AI મોડલ સ્માર્ટફોન પર એક શાનદાર AI અનુભવ પ્રદાન કરશે. કંપનીએ કહ્યું છે કે આનાથી યુઝર્સની પ્રાઈવસી લીક નહીં થાય. આ સાથે તેમના કામને સરળ બનાવવા માટે આ નવું મોડલ પણ લાવવામાં આવ્યું છે. આ સાથે અન્ય ઘણી માહિતીઓ પણ સામે આવી છે.
આ ફીચર સ્ક્રીન પર જોયેલી દરેક વસ્તુને યાદ રાખશે
વિન્ડોઝમાં ઉપલબ્ધ આ AI ફીચર સ્ક્રીન પર દેખાતી દરેક વસ્તુને યાદ રાખશે. આવી સ્થિતિમાં ઘણા યુઝર્સને ડર છે કે આ તેમની પ્રાઈવસી માટે મોટો ખતરો બની શકે છે. જોકે, માઇક્રોસોફ્ટે સ્પષ્ટ કર્યું છે કે આનાથી તેમની પ્રાઇવસી પર કોઇ વિપરીત અસર નહીં પડે. કંપની તેમને એ પણ નક્કી કરવાની સુવિધા આપશે કે સ્ક્રીન પર કઈ વસ્તુઓ દેખાય છે અને કઈ વસ્તુઓ તેઓ રેકોર્ડ કરવા નથી માંગતા.
આ વાત સત્ય નડેલાએ ઈન્ટરવ્યુમાં કહી હતી
સત્ય નડેલાએ એક ઈન્ટરવ્યુમાં કહ્યું છે કે વિન્ડોઝ પીસીમાં રિકોલ નામનું એક ફોટોગ્રાફિક મેમરી ફીચર આપવામાં આવશે. તેમણે કહ્યું કે, “અમે આ નવા યુગમાં પ્રવેશી રહ્યા છીએ જ્યાં કોમ્પ્યુટર માત્ર આપણને સમજી શકતા નથી, પરંતુ વાસ્તવમાં આગાહી કરી શકે છે કે આપણે શું ઈચ્છીએ છીએ અને આપણા ઈરાદા શું છે.” કંપનીએ એક એવી સુવિધા બનાવી છે જે દસ્તાવેજો તૈયાર કરી શકે છે, ઇમેજ બનાવી શકે છે અને પર્સનલ આસિસ્ટન્ટ તરીકે પણ કામ કરી શકે છે. તેનાથી લોકોને તેમના કામમાં ઘણી મદદ મળશે. સાથે જ તેમનો સમય પણ બચશે.
