સુરતઃ સુરત પોલીસે સરાહનીય કામગીરી કરી હતી. જ્યાં આઠ વર્ષના ઘર બહાર રમતા બાળકનું અપહરણ થયું હતું. જોકે, પોલીસને જાણ થતાના તાત્કાલિ અસરથી ચક્રોગતિમાન કરીને અપહરણકારોનું પગેલું મેળવી અપહરણકારોના ચંગુલમાંથી હેમખેમહ છોડાવ્યો હતો.
આ મામલે સચિન GIDC પોલીસે જણાવ્યું હતું કે, આ બાળકને કોઈ ઈસમ તેના ઘરે લઈ ગયો હતો. એટલું જ નહીં આ અજાણ્યો ઈસમ 10 દિવસથી બાળકને ચોકલેટ આપીને ધીમે ધીમે પોતાના વશમાં કરી રહ્યો હતો. જે બાદમાં આરોપીનું બાળકનું અપહરણ કરીને ભુસાવલ (મહારાષ્ટ્ર) તરફ જવા નીકળી ગયો હતો. જે બાદમાં પોલીસે આરોપીનો મોબાઇલ નંબર ટ્રેસિંગ પર મૂકી પગેરું શોધવાનો પ્રયાસ કર્યો હતો.
બીજી તરફ પોલીસે ભુસાવલ રેલવે સ્ટેશન પર RPFને જાણ કરી બાળકનો ફોટો આપી આરોપીઓને પકડવા અને બાળકને છોડાવવા મદદ માગી હતી. જેને લઈ ભુસાવલ રેલવે સ્ટેશનના RPF જવાનોએ ગણતરીના કલાકોમાં રેલવે સ્ટેશન પર ગોઠવાઈ ગયા હતાં. આરોપી જેવો બાળક સાથે ટ્રેનમાંથી નીચે ઉતર્યો કે આરપીએફએ તેને ઝડપી લીધો હતો.
સુરત પોલીસે આપેલા માર્ગદર્શન મુજબ આરપીએફ ટ્રેનમાંથી ઉતરતા લોકો પર નજર રાખી રહી હતી. થોડા જ અંતરમાં ત્રણ અજાણ્યા ઈસમો બાળકને લઈ બહાર નીકળવાનો પ્રયાસ કરતા RPFના હાથે ઝડપાઈ ગયા હતાં. બાળકએ પણ આ અંકલ સાથે આવ્યો છું કહેતા આરોપીનો ચહેરો ખુલ્લો પડી ગયો હતો.
જે બાદમાં તમામ આરોપીઓ અને બાળકને લઈ ભુસાવલ RPF સુરત આવી હતી. આ મામલે સચિન GIDC પોલીસે ત્રણ આરોપીની ધરપકડ કરી વધુ તપાસ શરૂ કરી છે. આરોપીઓએ શા માટે બાળકનું અપહરણ કર્યું હતું તે વાતનો ખુલાસો પોલીસ તપાસમાં થશે.
