સુરતઃ દુષ્કર્મની શરમજનક ઘટનાઓ રોજે રોજ બનતી રહે છે ત્યારે આવી જ એક ઘટના સુરતમાં બની હતી. અહીં 33 વર્ષીય પરિણીતા યુવકે હવસનો શિકાર બનાવી હતી. અને વીડિયોના આધારે બ્લેકમઇલ પણ કરતો હતો. આખરે કંટાળીને પરિણીતાએ ન્યાય માટે પોલીસનું શરણું લીધું છે.
મળતી માહિતી પ્રમાણે મૂળ સૌરાષ્ટ્રના વતની સુરતના સરથાણા વિસ્તારમાં 33 વર્ષીય પરણિતા અને એક પુત્રી-એક પુત્ર સાથે રહેતા પતિ રત્નકલાકાર તરીકે કામ કરે છે.
વર્ષ 2016 માં તેમણે એક એપાર્ટમેન્ટમાં પાંચમા માળે પોતાનો ફ્લેટ ખરીદ્યો હતો. ત્યાં બીજા માળે રહેતા આરોપી અજય નામના આરોપી સાથે ઓળખાણ હોય એકબીજાના ઘરે અવરજવર હતી. દરમિયાન, વર્ષ 2018ના દિવાળીના વેકેશનમાં તેમના એપાર્ટમેન્ટના મોટાભાગના રહીશો વતન ગયા હતા અને પરિણાતા બંને બાળકો પણ નાનાના ઘરે વતન ગયા હતા.પરિણીતાનો પતિ કામ માટે બહાર ગયા હતા ત્યારે અજય ઘરે આવ્યો હતો અને દરવાજો અંદરથી બંધ કરી દુષ્કર્મ આચર્યું હતું.
અજયે તેનો વીડિયો મોબાઈલમાં ઉતારી આ વાત કોઈને કરીશ તો વીડિયો વાયરલ કરીશ તેવી ધમકી આપી હતી. પરિણીતા સાથે તેણે આ વીડિયો દ્વારા બ્લેકમેઇલિંગ કરી અનેક વખત દુસ્કર્મ આચર્યુ હતું. જોકે આ યુવાન સતત પરિણીતાને બ્લેકમેલ કરતો હતો અજય નામનો યુવાન પરિણિતાને અવાર નવાર ફોન કરી વીડિયો વાયરલ કરવાની ધમકી આપી શરીર સંબંધ બાંધવા દબાણ કરતો હતો.
જોકે, પરણિતા તેને તાબે થઈ નહોતી. તેની હેરાનગતિથી કંટાળી પરિણીતા અને પતિને પાંચમા માળે રહેતા ફાવતું નથી તેવું કહી ઘર પણ બદલ્યું હતું અને માલિકીનો ફ્લેટ છોડી ભાડાના મકાનમાં રહેવા ગયા હતા. પરંતુ આ યુવાન અજય પરીણિતાને ફોન કરીને હેરાન કરવા સાથે બ્લેકમેલ કરતો હતો જેને લઈને આ પરિણીતાએ સમગ્ર હકિકત તેના પતિને કીધી હતી.
જેને લઈને પતિએ પરણિતાને તેના પતિએ સપોર્ટ આપી આ યુવાન વિરુદ્ધ સરથાણા પોલીસ મથકે ફરિયાદ નોધાંવી હતી જેને લઈને પોલીસે આ મામલે ગુનો દાખલ કરી આ પાડોસી યુવાનને ઝડપી પાડવા માટે ચક્રો ગતિમાન કર્યા છે.
