ભારતમાં ટોચના રોકાણકાર: સામાન્ય માણસ હવે ભારતના શેરબજાર વિશે જાગૃત થઈ રહ્યો છે. બજાર સંબંધિત સમાચારો વાંચવામાં આવે છે જેથી વ્યક્તિ પોતાના રોકાણની યોજના બનાવી શકે. તેથી, આજે અમે તમારા માટે શેરબજારના દિગ્ગજ ગણાતા 5 રોકાણકારોની યાદી લાવ્યા છીએ. છેલ્લા એક વર્ષમાં તેમના પોર્ટફોલિયોમાં મોટો વધારો થયો છે. TOIના અહેવાલ મુજબ, રાધાકિશન દામાણી આ યાદીમાં સૌથી આગળ છે.
1. રાધાકિશન દામાણી
રાધાકિશન દામાણી નંબર વન પર છે. સપ્ટેમ્બર 2023 સુધીમાં રાધાકિશન દામાણીનો પોર્ટફોલિયો રૂ. 1,67,298 કરોડનો હતો. એપ્રિલથી સપ્ટેમ્બર વચ્ચે 8.63 ટકાની વૃદ્ધિ જોવા મળી હતી. ટોચના સ્ટોક વિશે વાત કરીએ તો, તે એવન્યુ સુપરમાર્ટ છે, જે ડીમાર્ટની પેરેન્ટ કંપની છે. જ્યારે આ પહેલા 31 માર્ચ સુધી પોર્ટફોલિયો 1,54,007 કરોડ રૂપિયાનો હતો.
2. રાકેશ ઝુનઝુનવાલા પરિવાર
રાકેશ ઝુનઝુનવાલા પરિવાર બીજા ક્રમે છે. 30 સપ્ટેમ્બર, 2023 સુધીમાં તેમનો પોર્ટફોલિયો રૂ. 44,202 કરોડનો હતો. 31 માર્ચે તે રૂ. 32,296 કરોડ હતો. જો આપણે એપ્રિલ અને સપ્ટેમ્બર વચ્ચેના ફેરફારો પર નજર કરીએ તો રાકેશ ઝુનઝુનવાલા પરિવારના પોર્ટફોલિયોમાં 36.87%ની વૃદ્ધિ જોવા મળી છે. તેમનો ટોચનો સ્ટોક ટાઇટન છે.
3. હેમેન્દ્ર કોઠારી
હેમેન્દ્ર કોઠારી ડીએસપી મ્યુચ્યુઅલ ફંડના માલિક છે. 30 સપ્ટેમ્બર 2023 સુધી તેમનો પોર્ટફોલિયો 8,698 કરોડ રૂપિયા હતો. 30 જૂન, 2023ના રોજ તેની કિંમત 10,015 કરોડ રૂપિયા હતી. એટલે કે, પોર્ટફોલિયોમાં ઘટાડો થયો છે પરંતુ તેમ છતાં એપ્રિલથી સપ્ટેમ્બર 2023 દરમિયાન વૃદ્ધિ 9 ટકા હતી. ટોચનો સ્ટોક એલ્કાઈલ એમાઈન્સ કેમિકલ્સ છે.
4. આકાશ ભણસાલી
30 સપ્ટેમ્બર, 2023 સુધીમાં આકાશ ભણસાલીનો પોર્ટફોલિયો રૂ. 4,274 કરોડ છે. જોકે, જૂન 2023ની સરખામણીએ તેમાં ઘટાડો જોવા મળી રહ્યો છે. 30 જૂન સુધીમાં તેનું મૂલ્ય 10,015 કરોડ રૂપિયા હતું. ટોચના શેરોની વાત કરીએ તો તે છે ગુજરાત ફ્લોરોકેમિકલ્સ.
5. મુકુલ અગ્રવાલ
મુકુલ અગ્રવાલ પાંચમા નંબરે છે. સપ્ટેમ્બર સુધીનો કુલ પોર્ટફોલિયો રૂ. 3,832 કરોડ છે. દર મહિને પોર્ટફોલિયોમાં ગ્રોથ જોવા મળે છે. તે 30 જૂનમાં રૂ. 3,456 કરોડ અને માર્ચ 31માં રૂ. 2,638 કરોડ હતો. જ્યારે મુકુલ અગ્રવાલનો ટોપ સ્ટોક BSE રહ્યો છે.
