ગયા વર્ષે ઓક્ટોબરમાં સૌરાષ્ટ્ર યુનિવર્સિટીની BBA અને B.Com સેમેસ્ટર 5ની પરીક્ષા પહેલા પેપર લીકની ઘટના બની હતી. હવે આખરે આ ઘટનામાં એફઆઈઆર નોંધવામાં આવી છે. આ મામલે રાજકોટ સ્થિત સૌરાષ્ટ્ર યુનિવર્સિટીના ઈન્ચાર્જ રજીસ્ટ્રારએ ગઈકાલે રાત્રે પોલીસમાં ફરિયાદ નોંધાવી હતી. આ ફરિયાદમાં ભાજપના નેતાની કોલેજની ભૂમિકા સામે આવી હતી. એફએસએલની ટીમ આ મામલે તપાસ કરી રહી છે.
પેપર લીકની ઘટનાના 111 દિવસ બાદ ફરિયાદ નોંધાઈ
રાજકોટની સૌરાષ્ટ્ર યુનિવર્સિટી હંમેશા કોઈને કોઈ મુદ્દે સમાચારોમાં રહે છે. ગત વર્ષે ઓક્ટોબરમાં લેવાનારી સૌરાષ્ટ્ર યુનિવર્સિટીની પરીક્ષાના પેપરો લીક થયા હતા. ઘટનાના 111 દિવસ બાદ ફરિયાદ નોંધવામાં આવી છે. બુધવારે સૌરાષ્ટ્ર યુનિવર્સિટીના ઈન્ચાર્જ રજીસ્ટ્રાર અમિત પારેખે રાજકોટના ગાંધીગ્રામ પોલીસમાં ફરિયાદ નોંધાવી હતી. આ ફરિયાદના કારણે કોલેજના કર્મચારી ભાજપના કોર્પોરેટર જીગર ભટ્ટ સામે ગુનો નોંધવામાં આવ્યો છે. આ સિવાય વધુ નામો આપવામાં આવ્યા હતા જે તપાસમાં ખુલી શકે છે. રાજકોટના કોલેજીયન કોર્પોરેટરની ભૂમિકા સામે આવતાં શહેરમાં આ મામલે ચર્ચાએ જોર પકડ્યું છે. આ મામલે કોલેજના અન્ય કર્મચારીઓ અને ટ્રસ્ટીઓની પૂછપરછ શરૂ કરવામાં આવી છે.
