રાજકોટઃ ગુજરાત પોલીસ બૂટલેગરોના પ્લાન ઉપર પાણી ફેરવવા માટે હંમેશા સક્રીય રહે છે ત્યારે ઔદ્યોગિક વસાહત જામવાડી જીઆઇડીસીમાં વિદેશી દારૂના કટિંગ સમયે એલસીબી પોલીસે દરોડો પાડી 7,648 બોટલ કિંમત રૂપિયા 24,04,800 અને ત્રણ વાહન મળી 40,41,900 રૂપિયાના મુદ્દામાલ સાથે આઠ શખ્સોની ધરપકડ કરી છે. તમામ વિરુદ્ધ પોલીસે કાયદેસરની કાર્યવાહી શરૂ કરી છે.
રાજકોટઃ ગુજરાતમાં દારુબંધી હોવા છતાં છારવારે મોટી માત્રામાં દારૂનો જથ્થો ઝડપાતો હોય છે ત્યારે રાજકોટના ઔદ્યોગિક વસાહત જામવાડી જીઆઇડીસીમાં વિદેશી દારૂના કટિંગ સમયે એલસીબી પોલીસે દરોડો પાડી 7,648 બોટલ કિંમત રૂપિયા 24,04,800 અને ત્રણ વાહન મળી 40,41,900 રૂપિયાના મુદ્દામાલ સાથે આઠ શખ્સોની ધરપકડ કરી છે. તમામ વિરુદ્ધ પોલીસે કાયદેસરની કાર્યવાહી શરૂ કરી છે.
પ્રાપ્ત વિગતો મુજબ એલસીબી પીઆઇ એ.આર.ગોહિલ, પીએસઆઇ વી.એમ.કોલાદરા, એલ.સી.બી. સ્ટાફ પેટ્રોલિંગમાં હતો તે દરમિયાન મળેલી હકીકતના આધારે ગોંડલ, ૬૬ કે.વી. જામવાડી સબ સ્ટેશનની બાજુમાં ઉર્જા ઇન્ડસ્ટ્રીયલ એસ્ટેટમાં આવેલા ગોલ્ડન એગ્રી એક્ષપોર્ટ નામના કારખાનાની બાજુમાં આવેલ ગોડાઉન (શેડ)માં દરોડો કરવામાં આવ્યો હતો. અહીં ધવલભાઇ રસીકભાઇ સાવલીયા બહારથી સાત માણસો બોલાવી વિદેશી દારૂનું કટિંગ કરી ગાડીઓમાં હેરફેર કરતો હતો. આ હકીકત મળતા પોલીસે દરોડો કર્યો હતો.
દરોડ દરમિયાન પોલીસે ધવલ રસીકભાઇ સાવલીયા રહે. રાજકોટ કોઠારીયા રોડ, સાદાબ મુન્તીયાઝભાઇ થાન રહે. રાજકોટ ગોંડલ ચોકડી રાજકમલ પેટ્રોલપંપ પાસે, રાહુલ અમરતલાલ માલી રહે. અમદાવાદ મેઘાણીનગર ચમનપુરા મોહનલાલ વકીલની ચાલીમાં, રસુલ નવાબભાઇ થાન રહે. રાજકોટ ગોંડલ ચોકડી રાજકમલ પેટ્રોલપંપ પાસે, હરીશ બાબુલાલ માલી રહે. અમદાવાદ ચમનપુરા રામચંદ્ર કોલોની, લોકેશ લાલુરામજી રેગર રહે. ચીતોડગડ મંગલવાર ચોરાયા જી. ચીતોડ ગઢ રાજસ્થાન, રામલાલ ચુનીલાલજી મેઘવાળ રહે. મેરવણ તા. ડુંગલા જી. ચીતોડગઢ રાજસ્થાન તેમજ હસમુખ રમેશભાઇ વાઘેલા રહે, અમદાવાદ મેઘાણીનગર ચમનપુરાને ઝડપી પાડ્યા હતા.
દરોડા દરમિયાન પોલીસે વિદેશી દારૂની અલગ અલગ બ્રાન્ડની નાની-મોટી કુલ ૭,૬૪૮ બોટલ કિંમત રૂપિયા ૨૪,૦૪,૮૦૦ તથા અશોક લેલેન્ડ, ટાટા ૪૦૭ તેમજ હયુન્ડાઇ 1-20 કાર મળી કુલ રૂ. ૧૬,૦૦,૦૦૦ આ ઉપરાંત મોબાઇલ ફોન નંગ- 7 કિંમત ૨૨,૦૦૦, રોકડા રૂપિયા ૧૫,૧૦૦ મળી કુલ કિ.રૂ. ૪૦,૪૧,૯૦૦નો મુદામાલ સાથે પકડી પ્રોહિબિશન એકટ હેઠળ કાર્યવાહી હાથ ધરી હતી.
ધવલ રસીકભાઇ સાવલીયા અગાઉ રાજકોટ ગ્રામ્ય, રાજકોટ શહેર તથા મોરબી જિલ્લામાં વિદેશી દારૂના મોટા જથ્થાના ગુનામાં પકડાયેલો છે. આ દરોડાની કાર્યવાહીમાં રાજકોટ ગ્રામ્ય એલ.સી.બી., રાજકોટ ગ્રામ્ય પીઆઇ એ.આર.ગોહિલ, પીએસઆઇ વી.એમ.કોલાદરા, હેડ કોન્સ્ટેબલ મહિપાલસિંહ જાડેજા, જયેન્દ્રસિંહ વાઘેલા, અનીલભાઇ ગુજરાતી, બાલકૃષ્ણ ત્રીવેદી, રહીમભાઇ દલ, મેહુલભાઇ બારોટ, એ.એસ.આઇ. અમુભાઇ વીરડા, રાયધનભાઇ ડાંગર જોડાયા હતા.
