રાજકોટ જિલ્લા માં લવ જેહાદ ની પ્રથમ ઘટના પ્રકાશ માં આવી છે,જેમાં ધોરાજીમાં મુસ્લિમ ઇસમે હિન્દુ યુવતીને લલચાવી ફોસલાવીને લગ્નની લાલચ આપી દુષ્કર્મ આચર્યા બાદ હિન્દું ધર્મમાંથી મુસ્લીમ ધર્મ અંગીકાર કરવા દબાણ કરતા મામલો પોલીસ મથક માં પહોંચ્યો છે. મુસ્લિમ ઈસમ પરિણીત છે અને યુવતીને ફસાવી હતી. સોશિયલ મીડિયામાં ધાર્મિક કલમા મોકલી યુવતીને રૂબરૂમાં મળી મૌલવી પાસે મુસ્લિમ ધર્મ અંગીકાર કરી લે તેવી ધમકી આપી માનસિક ત્રાસ આપતો હોયપોલીસે યુવતીના પરિવારની ફરિયાદ નોંધી વધુ તપાસ હાથ ધરી છે.
ધોરાજીમાં રહેતી હિન્દુ યુવતીના પરિવારે ધોરાજી પોલીસ મથકે નોંધાવેલી ફરિયાદમાં જણાવ્યું છે કે, ધોરાજીના રાધાનગરમાં રહેતો મોહમદ ઉર્ફે ડાડો ગની સમા પરિણીત હોવા છતાં તેણે પોતાના લગ્ન ન થયાનું જણાવી યુવતી ને ફોસલાવીને ઈસ્લામ ધર્મ મુજબ ધાર્મિક કલમા સોશિયલ મીડિયામાં મોકલી પઢાવ્યા હતા. બાદમાં રૂબરૂમાં મૌલવી પાસે કાયદેસર રીતે મુસ્લિમ ધર્મ અંગીકાર કરી લેવા અવારનવાર મુસ્લિમ ધર્મ પરિવર્તન કરાવવા માટે માનસિક દબાણ કરતો હોય યુવતીના પરિવારે પોલીસ ફરિયાદ નોંધાવતા ધોરાજી પોલીસે મોહમદ સમા વિરૂદ્ધ આઇપીસી 376(2)એન, 506(2), ગુજરાત ધર્મ સ્વાતંત્ર્ય (સૂધારો) અધિનિયમ-2021ની કલમ 4 મુજબ ગુનો નોંધીને વધુ તપાસ હાથ ધરી છે.
