હાર્દિક પટેલ કોંગ્રેસના નેતાઓને ભાજપમાં લાવશે- આજે ભાજપમાં જોડાયેલા હાર્દિક પટેલે જાહેરાત કરી છે કે તે દર 10 દિવસે એક કાર્યક્રમનું આયોજન કરશે જેમાં તે કોંગ્રેસના નેતાઓને ભાજપમાં લાવવાનો પ્રયાસ કરશે. તેમણે કહ્યું કે અન્ય પક્ષોના નેતાઓએ ભાજપમાં જોડાઈને રાષ્ટ્ર નિર્માણના કાર્યમાં જોડાઈ જવું જોઈએ.
ગુજરાતમાં જાતિવાદની રાજનીતિમાંથી ઉભરી આવેલા યુવા નેતા હાર્દિક પટેલ થોડા વર્ષો કોંગ્રેસમાં રહ્યા બાદ ભારતીય જનતા પાર્ટી (BJP)માં જોડાયા છે. હાર્દિક પટેલ પાર્ટીમાં જોડાતાની સાથે જ કોંગ્રેસમાં ખળભળાટ મચી ગયો છે. હાર્દિકે જાહેરાત કરી છે કે તે દર 10 દિવસે એક કાર્યક્રમનું આયોજન કરશે જેમાં તે કોંગ્રેસના નેતાઓને ભાજપમાં સામેલ કરવાનું કામ કરશે.
પીએમ મોદી દુનિયાનું ગૌરવ છે,
હવે આ કાર્યક્રમના બહાને કોંગ્રેસના કેટલા નેતાઓ ભાજપમાં જોડાય છે, તે તો હજુ જાણી શકાયું નથી, પરંતુ આનાથી કોંગ્રેસની અંદર ખળભળાટ મચી ગયો છે. આ સાથે હાર્દિક પટેલે વડાપ્રધાન નરેન્દ્ર મોદીના જોરદાર વખાણ કર્યા છે. હાર્દિક પટેલે કહ્યું કે, સરદાર વલ્લભભાઈ પટેલ ગુજરાતનું ગૌરવ છે, મોરારજી દેસાઈ ગુજરાતનું ગૌરવ છે, પરંતુ વડાપ્રધાન નરેન્દ્ર મોદી ગુજરાતનું નહીં, દેશનું નહીં, સમગ્ર વિશ્વનું ગૌરવ છે.
તેમણે કહ્યું કે પીએમ નરેન્દ્ર મોદીના નેતૃત્વમાં હું રાષ્ટ્ર નિર્માણના સંકલ્પ હેઠળ નાના સૈનિકની ભૂમિકા ભજવીશ. કોંગ્રેસ પર પ્રહાર કરતા હાર્દિક પટેલે કહ્યું કે મને ખાતરી છે કે કોંગ્રેસ પાર્ટી કંઈ કરવા માંગતી નથી. એટલા માટે હું કોંગ્રેસના નેતાઓને ભાજપમાં જોડાવા માટે આહ્વાન કરવા માંગુ છું. કારણ કે પીએમ મોદી સમગ્ર વિશ્વનું ગૌરવ છે.
હાર્દિક પટેલ જ્યારે ભાજપમાં જોડાયો ત્યારે ગાંધી નગર સ્થિત પાર્ટી ઓફિસની આસપાસ પોસ્ટર લગાવવામાં આવ્યા હતા . ભાજપમાં જોડાતા હાર્દિક પટેલે કહ્યું, ‘આજથી હું એક નવો અધ્યાય શરૂ કરી રહ્યો છું. હું નાના સૈનિકની જેમ કામ કરીશ. મેં ક્યારેય કોઈની પાસેથી કોઈપણ પ્રકારની માંગણી કરી નથી. હું કામ કરવા માટે ભાજપમાં જોડાયો છું. તેમણે કહ્યું કે જ્યારે આખો દેશ વડાપ્રધાન નરેન્દ્ર મોદીના નેતૃત્વમાં વિકાસના કામોમાં જોડાઈ રહ્યો છે ત્યારે મારે પણ આવું જ કરવું જોઈએ..
હાર્દિક પટેલના રાજકીય જીવનની આ રીતે શરૂઆત થઈ હતી હાર્દિક પટેલે 2015માં પાટીદાર સમાજને અનામતની માગણી હેઠળ મોટું આંદોલન શરૂ કર્યું ત્યારે અચાનક જ આ આ આંદોલનને કારણે આનંદીબેન પટેલે મુખ્યમંત્રી પદ છોડવું પડ્યું હતું. બાદમાં હાર્દિક પટેલે આર્થિક રીતે નબળા વર્ગ માટે અનામતની માંગણી શરૂ કરી હતી. 2019ની લોકસભા ચૂંટણી પહેલા હાર્દિક પટેલ રાહુલ ગાંધીની હાજરીમાં કોંગ્રેસમાં જોડાયો હતો. 2020માં તેમને ગુજરાત કોંગ્રેસના કાર્યકારી અધ્યક્ષ બનાવવામાં આવ્યા હતા, પરંતુ અહીંથી અલગતા પણ શરૂ થઈ ગઈ હતી.
હાર્દિક પટેલે આક્ષેપ કર્યો હતો કે કોંગ્રેસ નેતૃત્વ રાજ્યમાં કામ કરતા નેતાઓથી દૂર રહે છે. હાર્દિક પટેલે 19મી મેના રોજ કોંગ્રેસમાંથી રાજીનામું આપ્યું હતું અને આજે 2જી જૂને તે ભાજપમાં જોડાયો હતો.
