Omar Abdullah આજે લેશે CM પદના શપથ, આ વિપક્ષી નેતાઓ સામેલ થશે
Omar Abdullah: જમ્મુ અને કાશ્મીરના પ્રથમ મુખ્યમંત્રી ઓમર અબ્દુલ્લા બુધવારે શપથ લેશે. શપથ ગ્રહણ SKICC ખાતે થશે અને લેફ્ટનન્ટ ગવર્નર મનોજ સિન્હા શપથ લેવડાવશે.
Omar Abdullah: જમ્મુ અને કાશ્મીરમાં કલમ 370 નાબૂદ કર્યા પછી પ્રથમ વખત, નેશનલ કોન્ફરન્સ-કોંગ્રેસ ગઠબંધન વિધાનસભા ચૂંટણીમાં જીત્યું અને ઓમર અબ્દુલ્લા જમ્મુ અને કાશ્મીરના કેન્દ્રશાસિત પ્રદેશના પ્રથમ મુખ્યમંત્રી તરીકે ચૂંટાયા. આજે (16 ઓક્ટોબર બુધવાર) ઓમર અબ્દુલ્લા શપથ લેવા જઈ રહ્યા છે, જેની તૈયારીઓ પૂર્ણ થઈ ગઈ છે.
અધિકારીઓએ જણાવ્યું કે મુખ્યમંત્રી અને તેમની મંત્રી પરિષદના સભ્યોનો શપથ ગ્રહણ સમારોહ બુધવારે શેર-એ-કાશ્મીર ઇન્ટરનેશનલ કન્વેન્શન સેન્ટર (SKICC) ખાતે યોજાશે. લેફ્ટનન્ટ ગવર્નર મનોજ સિન્હા સવારે 11:30 વાગ્યે દરેકને ગુપ્તતાના શપથ લેવડાવશે.
ઈન્ડિયા એલાયન્સના નેતાઓને આમંત્રણ
શપથ ગ્રહણ સમારોહના સ્થળની આસપાસ કડક સુરક્ષા વ્યવસ્થા કરવામાં આવી છે. આ કાર્યક્રમમાં અનેક વીવીઆઈપી હાજર રહેવાના હોવાથી સુરક્ષા સઘન કરવામાં આવી છે. શપથ સમારોહમાં હાજરી આપવા માટે ઈન્ડિયા એલાયન્સના ઘટક પક્ષોને આમંત્રણ મોકલવામાં આવ્યું છે.
નેશનલ કોન્ફરન્સ (NC) કાશ્મીરના પ્રાંતીય પ્રમુખ નાસિર અસલમ વાનીએ કહ્યું કે હજુ સુધી એ સ્પષ્ટ નથી થયું કે આ કાર્યક્રમમાં કોણ હાજરી આપશે. જોકે, કોંગ્રેસના એક વરિષ્ઠ નેતાએ માહિતી આપી છે કે શપથ ગ્રહણ સમારોહમાં મલ્લિકાર્જુન ખડગે, રાહુલ ગાંધી, પ્રિયંકા ગાંધી ભાગ લેશે. સાથે જ આ સમારોહમાં કેટલાક રાજ્યોના મુખ્યમંત્રીઓ અને પ્રતિનિધિઓ પણ ભાગ લેશે.
ઓમર અબ્દુલ્લાના શપથ ગ્રહણ સમારોહમાં આ નેતાઓ સામેલ થઈ શકે છેઃ કોંગ્રેસના રાષ્ટ્રીય અધ્યક્ષ મલિકાર્જુન ખડગે, વિપક્ષના નેતા રાહુલ ગાંધી, કોંગ્રેસના મહાસચિવ કેસી વેણુગોપાલ, એનસીપી શરદ જૂથના નેતા સુપ્રિયા સુલે, સમાજવાદી પાર્ટીના અધ્યક્ષ અખિલેશ યાદવ, સીપીઆઈ નેતા ડી રાજા DMK સાંસદ કનિમોઝી કરુણાનિધિ અને SAD પ્રમુખ સુખબીર સિંહ બાદલ હાજરી આપી શકે છે.
ઓમર અબ્દુલ્લા
કેબિનેટમાં સંભવિત મંત્રીઓના નામ પણ સામે આવ્યા છે. માનવામાં આવે છે કે સકીના ઇતુ, સૈફુલ્લા મીર, અબ્દુલ રહીમ રાથેર, અલી મોહમ્મદ સાગર, સુરિન્દર ચૌધરી, ફારૂક શાહ, નઝીર અહેમદ અને અહેમદ મીર પણ કેબિનેટમાં સામેલ થઈ શકે છે.
