Eknath Shinde ડેપ્યુટી સીએમ એકનાથ શિંદેનું મોટું નિવેદન, સર્જિકલ સ્ટ્રાઈક 3 માટે તૈયારી શરૂ
Eknath Shinde પહેલગામ આતંકવાદી હુમલાને લઈને દેશમાં રોષની લાગણી વ્યાપી રહી છે. આવા સમયે મહારાષ્ટ્રના નાયબ મુખ્યમંત્રી અને શિવસેના પ્રમુખ એકનાથ શિંદેએ એક ગંભીર અને મજબૂત નિવેદન આપ્યું છે. તેમણે સ્પષ્ટપણે કહ્યું કે “સર્જિકલ સ્ટ્રાઈક 3” માટે તૈયારી શરૂ થઈ ગઈ છે, અને હવે પાકિસ્તાન સામે મોટું પગલું ભરાશે.
શિંદેએ પોતાના નિવેદનમાં કહ્યું, “જે થયું તે અત્યંત નિંદનીય છે. આ હુમલો માત્ર નિર્દોષ લોકો પર નથી, પણ દેશની સુરક્ષાના મર્મ પર છે. વડાપ્રધાન નરેન્દ્ર મોદીએ કડક કાર્યવાહી શરૂ કરી દીધી છે અને અમિત શાહ સાથે મળીને ભારત પાકિસ્તાન સામે મોટી કામગીરી માટે તૈયાર છે.”
તેઓએ વધુમાં ઉમેર્યું કે હવે ભારત-પાકિસ્તાન વચ્ચે કોઈપણ પ્રકારની રમત નહીં રમવી જોઈએ. “હવે મેચ નહીં, માત્ર જવાબ આપવાનો સમય છે. પાકિસ્તાની ફિલ્મો ભારતમાં રિલીઝ થવાની નદીશું નહીં. દરેક પ્રકારના સાંસ્કૃતિક અને વ્યવસાયિક સંબંધોનો અંત આવવો જોઈએ,” એમ તેમણે જણાવ્યું.
એકનાથ શિંદેના આ નિવેદનથી સરકારની ભવિષ્યની નીતિ અને અભિગમની ઝલક મળે છે. બીજી તરફ, વિપક્ષે આ આતંકી હુમલાને લઈને સરકાર પર સવાલ ઉઠાવ્યા છે કે સુરક્ષા પગલાં કેમ પૂરતા નહોતા? પરંતુ શિંદેએ સ્પષ્ટતા આપી કે હવે ટિપ્પણીઓ કરવાનો સમય નથી, પણ દેશને એકતાપૂર્વક આગળ વધારવાનો છે.
આમ, શિંદેનું નિવેદન માત્ર રાજકીય નથી, પરંતુ તે લોકોની ભાવનાઓને પ્રતિબિંબિત કરે છે. અત્યારના સંજોગોમાં જ્યારે દેશે ફરીથી એક ઘાતક હુમલો જોયો છે, ત્યારે તાત્કાલિક અને મજબૂત પ્રતિસાદની અપેક્ષા છે. શું દેશ ફરી સર્જિકલ સ્ટ્રાઈકના માધ્યમથી પોતાનું મજબૂત સંકલ્પ દર્શાવશે? આવનાર દિવસો આ પ્રશ્નનો જવાબ આપશે.
