Haryana Election Results: હરિયાણા ચૂંટણીમાં હારથી નારાજ કોંગ્રેસ ECમાં જશે, કહ્યું- આ સિસ્ટમની જીત, લોકશાહીની હાર
Haryana Election Results: હરિયાણા વિધાનસભા ચૂંટણીમાં ભાજપની જીત પર કોંગ્રેસે સવાલો ઉઠાવ્યા છે. કોંગ્રેસના નેતા પવન ખેડાએ જણાવ્યું હતું કે આ સિસ્ટમની જીત અને લોકશાહીની હાર છે. અમે આ સ્વીકારી શકતા નથી.
Haryana Election Results: હરિયાણા વિધાનસભા ચૂંટણીના પરિણામોમાં તમામ એક્ઝિટ પોલને અવગણીને ભાજપે જીત નોંધાવી છે. પોતાની હારથી નારાજ કોંગ્રેસે કહ્યું છે કે આ સિસ્ટમની જીત અને લોકશાહીની હાર છે. આ પરિણામ પર આશ્ચર્ય વ્યક્ત કરતા કોંગ્રેસના નેતા પવન ખેડાએ કહ્યું કે હરિયાણામાં આવું અણધાર્યું પરિણામ આવશે તેવો કોઈ માની શકે નહીં. તેમણે કહ્યું કે અમે આ સ્વીકારી શકતા નથી. અમે ચૂંટણી પંચમાં જઈને અમારી ફરિયાદ કરીશું.
#WATCH | On #HaryanaElectionResult, Congress leader Pawan Khera says, "If it is said in one line, this is the victory of the system and the defeat of democracy. We cannot accept this…We are collecting complaints. Our candidates have given complaints to the returning officers… https://t.co/Pw21xLi1b6 pic.twitter.com/jSIxOveVf4
— ANI (@ANI) October 8, 2024
હરિયાણાના ચૂંટણી પરિણામો અંગે કોંગ્રેસના નેતા પવન ખેડાએ કહ્યું,
“જો એક લીટીમાં કહીએ તો તે સિસ્ટમની જીત અને લોકશાહીની હાર છે. અમે આ સ્વીકારી શકતા નથી… અમે ફરિયાદો એકઠી કરી રહ્યા છીએ. અમારા ઉમેદવારોને અમે ફરિયાદો આપી છે. રિટર્નિંગ ઓફિસરોને અને હજુ પણ આપી રહ્યા છીએ, અમે ચૂંટણી પંચ પાસે જઈશું અને હરિયાણામાં આવા અણધાર્યા પરિણામ પર કોઈ વિશ્વાસ કરી શકશે નહીં
પવન ખેડાએ કહ્યું, “આ પરિણામો સંપૂર્ણપણે અનપેક્ષિત છે અને અમે કહીશું કે તે અસ્વીકાર્ય છે. જે પ્રકારની ફરિયાદો આવી રહી છે. ત્રણ જિલ્લા, હિસાર, મહેન્દ્રગઢ અને પાણીપતના અમારા ઉમેદવારો તરફથી સતત ફરિયાદો આવી રહી છે કે કેટલાંક મશીનોમાં કેવી રીતે ગેરરીતિ જેની બેટરી 99 ટકા હતી, અમને હારતા દર્શાવવામાં આવ્યા હતા અને જે મશીનોને હાથ પણ ન લાગ્યો હતો અને જેની બેટરી 60-70 ટકા હતી તેમાં અમારા ઉમેદવારને જીતતા દર્શાવવામાં આવ્યા હતા.”
#WATCH | On #HaryanaElectionResult, Congress leader Pawan Khera says, "The results are totally unexpected and we would even say that they are unacceptable. The kind of complaints that are continuously coming in. There are continuous complaints about our candidate from three… pic.twitter.com/Ga1QDkUdXZ
— ANI (@ANI) October 8, 2024
બીજી તરફ જમ્મુ-કાશ્મીરમાં નેશનલ કોન્ફરન્સ અને કોંગ્રેસના ગઠબંધનની જીત થઈ છે. આ અંગે કોંગ્રેસે કહ્યું કે જનતાએ સ્પષ્ટ જનાદેશ આપ્યો છે. તેમણે રાજ્યનો દરજ્જો છીનવીને જમ્મુ-કાશ્મીરના સન્માનને કચડી નાખનારાઓને જડબાતોડ જવાબ આપ્યો છે.
