અંબાણીના ઘરે શરુ થયું સેલિબ્રેશન, બોલિવુડ સેલેબ્સ પણ થયા સામેલ

દેશના સૌથી મોટા બિઝનેશમેન મુકેશ અંબાણીના ઘરે માર્ચ મહિનાથી જશ્નનો માહોલ શરુ થઇ ગયો હતો. માર્ચમાં મુકેશ અંબાણીના મોટા પુત્ર આકાશ અને શ્લોકાએ તેમના રિલેશનને જગજાહેર કર્યો હતો અને ગોવામાં બંનેનો પરિવાર સેલિબ્રેશનના મૂડમાં નજર આવ્યો હતો તે દરમિયાન ઘણી તસવીરો સામે આવી હતી. જેણે સોશિયલ મીડિયા પર ખૂબ ધૂમ મચાવી હતી. જો કે, આકાશ અને શ્લોકાના મેરેજની ખબર ઘણા લાંબા સમયથી સામે આવી રહી છે. તમને જણાવી દઈએ કે, કાલથી મુકેશ અંબાણીના મુંબઈ સ્થિત એન્ટીલિયામાં જશ્નનો માહોલ શરુ થઇ ગયો છે. ગઈકાલે આકાશ અંબાણી અને શ્લોકા મહેતાની પ્રી એન્ગેજમેન્ટ પાર્ટીમાં ઘણા સેલિબ્રિટી સામેલ થયા હતા અને તે દરમિયાન ઇન્ટરનેશનલ સેન્સેશન બની ચૂકેલ પ્રિયંકા ચોપરા પણ નજર આવી હતી. કરણ જોહર, રણબીર કપૂર અને અયાન મુખર્જી ઘણા સેલેબ્સ આ પાર્ટીમાં પહોચ્યા હતા. આજે પારંપારિક રીતે આકાશ અને શ્લોકાની સગાઈ થવાની છે. આજે અંબાણીના ઘર પર સાંજથી બોલિવુડ સેલેબ્સનો જમાવડો જોવા મળશે. બુધવારે મુંબઈમાં મુકેશ અંબાણી-નીતા અંબાણીના પુત્ર આકાશ અંબાણીની શ્લોકા મહેતા સાથે પ્રી-એંગેજમેન્ટ મહેંદી સેરેમની હતી. ઉલ્લેખનીય છે કે, આકાશ અંબાણી અને શ્લોક મહેતાની પ્રી-એન્ગેજમેંટ ૨૪ માર્ચે ગોવામાં થઇ હતી. ભારતના સૌથી અમીર વ્યક્તિ અને રિલાયન્સ ઇન્ડસ્ટ્રીઝ લિમિટેડના માલિક મુકેશ અંબાણીના પુત્ર આકાશ અંબાણીની ડાયમંડ બિઝનેશમેન રસેલ મહેતાની પુત્રી શ્લોકા મહેતા સાથે ગોવામાં પ્રી-એન્ગેજમેંટ કર્યા બાદ અંબાણી પરિવારે ગ્રાંડ પાર્ટીનું આયોજન કર્યું હતું. આ ખુશીના અવસર પર ૨૬ માર્ચે અંબાણી પરિવારે એક ગ્રાંડ સેલિબ્રેશનનું આયોજન કર્યું હતું. આ સેલિબ્રેશનમાં ઘણી હસ્તીઓ હાજર રહી હતી. શ્લોકા અને આકાશે પાર્ટીમાં કેક કટિંગ કરી અને સેલિબ્રેશન કર્યું હતું. આ ઇવેન્ટને વધારે ખાસ બનાવવા માટે અંબાણી પરિવાર તરફથી બોલિવુડ, રાજનીતિ અને ક્રિકેટ જગતની હસ્તીઓને આમંત્રિત કરવામાં આવ્યા હતા. ૨૭ વર્ષના આકાશ મુકેશ અંબાણીના મોટા પુત્ર છે. રસેલ મહેતાનો પરિવાર સાઉથ મુંબઈમાં રહે છે. આકાશ અને શ્લોકા, ધીરુભાઈ અંબાણી આંતરરાષ્ટ્રીય શાળામાં અભ્યાસ કર્યો હતો. આકાશ હજુ રિલાયન્સ જિયોના બોર્ડમાં છે, જ્યારે શ્લોકા રોજી બ્લૂ ફાઉન્ડેશનની નિર્દેશક છે. આગળ જુઓ વધુ ફોટોઝ.