Mumbai Police: સૌ પ્રથમ સલમાન ખાનની હત્યાનો હતો પ્લાન, બિશ્નોઈ ગેંગનો મુખ્ય ટાર્ગેટ હતો સલમાન, બાબા સિદ્દીકી નહીં, મુંબઈ પોલીસનો ખૂલાસો
Mumbai Police મુંબઈમાં NCP નેતા બાબા સિદ્દીકીની હત્યાના એક મહિનાથી વધુ સમય બાદ ક્રાઈમ બ્રાન્ચે ખુલાસો કર્યો છે કે બોલિવૂડ સુપરસ્ટાર સલમાન ખાન મૂળભૂત રીતે ફર્સ્ટ ટાર્ગેટ હતો અને તેનું નામ હિટલિસ્ટમાં ટોચ પર હતું. ગેંગસ્ટર લોરેન્સ બિશ્નોઈ અને તેના ભાઈ અનમોલ બિશ્નોઈએ સિદ્દીકીની હત્યાના હુમલાની જવાબદારી લીધી હતી.
રિપોર્ટ અનુસાર ક્રાઈમ બ્રાન્ચના અધિકારીઓએ જણાવ્યું કે, શૂટર્સને પહેલા સલમાનને મારવાની સૂચના આપવામાં આવી હતી. જો કે, અભિનેતાની કડક સુરક્ષા વ્યવસ્થાને કારણે તેની યોજના નિષ્ફળ ગઈ અને ત્યાર બાદ તેમનું ધ્યાન સિદ્દીકી પર કેન્દ્રિત કર્યું.
Mumbai Police 12 ઓક્ટોબરે બાબા સિદ્દીકી પર તેમના પુત્ર ઝીશાનની મુંબઈમાં બાંદ્રા ઓફિસની બહાર અનેક રાઉન્ડ ગોળીબાર કરવામાં આવ્યો હતો. અહેવાલ મુજબ, ઝીશાન પણ હિટલિસ્ટમાં હતો, પરંતુ તે પૂર્વાયોજિત હુમલાની થોડી મિનિટો પહેલા સ્થળ છોડીને જતો રહ્યો હતો.
આ ઘટના બાદ સલમાનની સુરક્ષા વધારી દેવામાં આવી હતી અને હવે અભિનેતાને કોઈપણ કિંમતે સુરક્ષા વગર ન ફરવાની સલાહ આપવામાં આવી છે. મુંબઈમાં તેના સૌથી નજીકના મિત્રોમાંના એક એવા સિદ્દીકીના અંતિમ સંસ્કારમાં હાજરી આપતી વખતે પણ તે રડતો જોવા મળ્યો હતો.
ઝીશાને પાછળથી ખુલાસો કર્યો કે આ ઘટના પછી સલમાનની રાતોની ઊંઘ હરામ થઈ ગઈ હતી અને તેણે ઘણી વખત શોકગ્રસ્ત પરિવાર વિશે પૂછપરછ પણ કરી હતી.
સલમાનની ઝીણવટભરી સુરક્ષા વ્યવસ્થા હોવા છતાં, બુધવાર, નવેમ્બર 4 ના રોજ, જ્યારે એક વ્યક્તિ બિશ્નોઈના નામનો ઉપયોગ કરીને અભિનેતા તેના આગામી પ્રોજેક્ટ અને તેની ટીમ માટે શૂટિંગ કરી રહ્યો હતો તે સ્થળે ઘૂસી ગયો હતો.
“શું મારે બિશ્નોઈને મોકલવો જોઈએ?”શૂટીંગની જગ્યાએ ઘૂસી જનારા શખ્સે ધમકી આપી હતી. એક તબક્કે આ શખ્સે અભિનેતાની સુરક્ષા ટીમમાં ગભરાટમાં ફેલાવ દીધો હતો.
દરમિયાન, સલમાને હજુ સુધી બિશ્નોઈ ગેંગ તરફથી તેના જીવનને સતત ધમકીઓ વિશે સ્પષ્ટપણે વાત કરી નથી, પરંતુ બિગ બોસ 18 ના એપિસોડ દરમિયાન, તે સ્પર્ધકોને કહેતો જોવા મળ્યો હતો કે હું જાણતો નથી કે મારાજીવનમાં શું થઈ રહ્યું છે.
તેણે કહ્યું હતું કે મારા જીવનમાં જે ચાલી રહ્યું છે તેની તુલનામાં તમારી સમસ્યાઓ કંઈ નથી. હું અહીં આવીને શૂટિંગ કરવા નથી માંગતો. હું મારા ઘરની બહાર નીકળવા માંગતો નથી. પરંતુ મારે તે કરવું પડશે, કારણ કે મારે મારા કમિટમેન્ટ પુરા કરવાના છે.
