Maharashtra મહારાષ્ટ્ર કેબિનેટનું વિસ્તરણ 11 કે 12 ડિસેમ્બરે થવાની શક્યતા, 9મી ડિસેમ્બરે સ્પીકરની ચૂંટણી
Maharashtra દેવેન્દ્ર ફડણવીસની આગેવાની હેઠળની મહારાષ્ટ્ર સરકારનું કેબિનેટ વિસ્તરણ 11 અથવા 12 ડિસેમ્બરે થવાની સંભાવના છે. સૂત્રોએ જણાવ્યું કે અજિત પવારની આગેવાની હેઠળની એનસીપી નાણા વિભાગ અને ભાજપ ગૃહ વિભાગ જાળવી રાખે તેવી સંભાવના છે, જેમ કે અગાઉની એકનાથ શિંદેની આગેવાનીવાળી સરકારમાં આ મંત્રાલયો તેમની પાસે જ હતા.
Maharashtra જો શિવસેનાના સૂત્રોનું માનીએ તો શિંદેની આગેવાની હેઠળની શિવસેના શહેરી વિકાસ વિભાગ પોતાની પાસે રાખશે અને મહેસૂલ વિભાગ પણ મેળવી શકે છે. મહારાષ્ટ્રમાં એક કેબિનેટમાં મુખ્યમંત્રી સહિત વધુમાં વધુ 43 મંત્રીઓ હોઈ શકે છે.
સૂત્રોએ જણાવ્યું કે મહાગઠબંધનના સૌથી મોટા પક્ષ ભાજપને 21-22 મંત્રી પદ મળવાની ધારણા છે. શિવસેનાને 11થી 12 મંત્રી પદ અને એનસીપીને 9થી 10 મંત્રી પદ મળી શકે છે. ભાજપના એક વરિષ્ઠ નેતાએ કહ્યું કે શપથ લેવાના મંત્રીઓની સંખ્યા અંગે અંતિમ નિર્ણય એક-બે દિવસમાં લેવામાં આવશે.
પ્રોટેમ સ્પીકર કાલિદાસ કોલંબકર શનિવારથી શરૂ થઈ રહેલા વિધાનસભાના ત્રણ દિવસીય વિશેષ સત્રમાં નવા ચૂંટાયેલા ધારાસભ્યોને શપથ લેવડાવશે. 9 ડિસેમ્બરે (સોમવારે) સ્પીકરની ચૂંટણી થશે, ત્યારબાદ નવી સરકારનો વિશ્વાસ મત થશે અને રાજ્યપાલ બંને ગૃહોના સંયુક્ત સત્રને સંબોધિત કરશે.16 ડિસેમ્બરથી વિધાનસભાનું શિયાળુ સત્ર નાગપુરમાં શરૂ થશે
