Uddhav Thackeray: ઉદ્ધવ ઠાકરેનો પ્રહાર, સડેલું હિન્દુત્વ BJPનું છે, શિવસેના હમેશા રાષ્ટ્રવાદી રહી છે
Uddhav Thackeray ઉદ્ધવ ઠાકરે, શિવસેના (ઉભાઠા)ના નેતાએ તાજેતરમાં નાસિકમાં એક જાહેરસભામાં ભાજપના હિન્દુત્વને “સડેલું” કહેતાં ભારે રાજકીય વિવાદ સર્જ્યો છે. તેમણે સ્પષ્ટ રીતે કહ્યું કે તેમણે હિન્દુત્વ ન છોડ્યું, પરંતુ ભાજપના જાતીય, વિભાજનકારી હિન્દુત્વને અવગણ્યું છે. ઉદ્ધવે દાવો કર્યો કે શિવસેનાની ભૂમિકા વિના ભાજપ રામ મંદિરનું નિર્માણ કરી શકી ન હોત.
ઠાકરેના નિવેદનનો મુખ્ય ઉદ્દેશ હિન્દુ મતદારોને સ્પષ્ટ સંદેશ આપવાનો હતો કે શિવસેના હિન્દુત્વથી દૂર નથી હટી, પરંતુ તે હંમેશા સમાનતા અને રાષ્ટ્રવાદના હિન્દુત્વમાં વિશ્વાસ રાખે છે. તેમણે કહ્યું કે ભલે તેમણે ભાજપ સાથે જોડાણ તોડ્યું હોય, પરંતુ હિન્દુત્વ સાથેનો સંબંધ ક્યારેય તૂટી નથી. “હું મરી જઈશ પણ હિન્દુત્વ નહીં છોડું,” એમ તેમણે કહ્યું.
1992માં બાબરી મસ્જિદ તોડવાના ઘટનાનો ઉલ્લેખ કરતાં ઉદ્ધવે કહ્યું કે જ્યાં ભાજપના નેતાઓએ માફી માંગી હતી, ત્યાં બાલ ઠાકરે એ કહ્યું હતું કે શિવસેના કાર્યકરો એ દૃઢતાપૂર્વક કામ કર્યું હતું. તેમણે વધુમાં એવો દાવો પણ કર્યો કે મુસ્લિમ સમુદાયે તેમનો ટેકો ફક્ત આ કારણે આપ્યો હતો કે તેઓ મુખ્યમંત્રી તરીકે સૌ સાથે સમાન વ્યવહાર કરતા હતા.
ઠાકરેએ ભાજપ પર ગંભીર આરોપ લગાવતા કહ્યું કે તેઓ હિન્દુત્વના નામે ફક્ત મત માટે રાષ્ટ્રને વહેંચે છે. “રમઝાનમાં ‘સૌગાત-એ-મોદી’ વહેંચવાનું એક રાજકીય દાવ છે, જ્યારે મહારાષ્ટ્રમાં ભાજપ લોકોમાં વિભાજન કરવાનું સૂત્ર આપે છે,” એમ તેમણે કહ્યું.
મુંબઈથી મોટા પ્રોજેક્ટ્સ ગુજરાત ખસેડવાનો આરોપ લગાવતાં, તેમણે જણાવ્યું કે શહેર “લૂંટાઈ” રહ્યું છે. રાજભવનને છત્રપતિ શિવાજી મહારાજના સ્મારકમાં રૂપાંતરિત કરવાનાં સૂચન સાથે તેમણે ભાજપની ‘છલકપટ ભરેલી રાજનીતિ’ સામે કટાક્ષ કર્યો.
આ ઉપરાંત, તેમણે ઇવીમને લઇને પણ સંશય વ્યક્ત કર્યો અને કહ્યું કે જો ચૂંટણી બેલેટ પેપરથી થાય તો પરિણામો ભિન્ન હશે. તેમણે કહ્યું કે વિપક્ષ પોતાની સિદ્ધિઓ લોકોને યોગ્ય રીતે પહોચાડી શક્યું નથી અને જનતામાં ફેલાયેલ ભાજપની “ભ્રમણા” હજુ સુધી દૂર કરી શકી નથી.
ઉદ્ધવ ઠાકરેનાં આ નિવેદનો 2024 વિધાનસભા ચૂંટણીના પરિણામ બાદ એક નવી રાજકીય ચર્ચાની શરૂઆત છે.
