Maharashtra Elections: મહારાષ્ટ્ર ચૂંટણી માટે કોંગ્રેસના ઉમેદવારોની બીજી યાદી જાહેર, આ 23 બેઠકો પર ઉમેદવારો મેદાનમાં ઉતર્યા
Maharashtra Elections: મહારાષ્ટ્ર વિધાનસભા ચૂંટણી માટે કોંગ્રેસે બીજી યાદી જાહેર કરી છે, જેમાં 23 ઉમેદવારોનો સમાવેશ કરવામાં આવ્યો છે. પ્રથમ યાદીમાં 48 નામો સાથે અત્યાર સુધીમાં કુલ 71 ઉમેદવારોની જાહેરાત કરવામાં આવી છે.
Maharashtra Elections: બીજી યાદીમાં ગિરીશ પાંડવને નાગપુર દક્ષિણથી ટિકિટ આપવામાં આવી છે. કોંગ્રેસે મુંબઈની ત્રણ મુખ્ય બેઠકો પર પણ ઉમેદવારો ઉભા રાખ્યા છે – કાંદિવલી પૂર્વથી કાલુ બધેલિયા, ચારકોપથી યશવંત જયપ્રકાશ સિંહ અને સાયન કોલીવાડાથી ગણેશ કુમાર યાદવનો ટિકિટ આપી છે. કોંગ્રેસની આ યાદીથી સ્પષ્ટ થાય છે કે પાર્ટી રાજ્યના મહત્વના વિસ્તારોમાં પોતાની પકડ મજબૂત કરવાનો પ્રયાસ કરી રહી છે.
બે દિવસ પહેલા, પાર્ટીએ 48 ઉમેદવારોની પ્રથમ યાદી જાહેર કરી હતી, જેમાં વરિષ્ઠ નેતાઓ નાના પટોલે અને પૂર્વ મુખ્યમંત્રી પૃથ્વીરાજ ચવ્હાણના નામ સામેલ હતા. ચવ્હાણને કરાડ દક્ષિણ અને પૂર્વ ઉર્જા મંત્રી નીતિન રાઉતને નાગપુર ઉત્તરથી ફરીથી ટિકિટ આપવામાં આવી છે.
બીજી યાદીમાં ભુજબલથી રાજેશ તુકારામ, જલગાંવથી સ્વાતિ વાકેકર, સાવનેરથી અનુજા સુનિલ કેદાર, ભંડારાથી પૂજા ઠક્કર, રાલેગાંવથી બસંત પુરકે, કામથીથી સુરેશ ભવર, અર્જુનીથી દિલીપ બંસોડ અને બસાઈથી વિજય પાટીલને ઉમેદવાર જાહેર કરવામાં આવ્યા છે. પાર્ટીએ પ્રાદેશિક સંતુલન જાળવવાની અને અનુભવી નેતાઓની સાથે નવા ચહેરાઓને તક આપવાની રણનીતિ અપનાવી છે
