Maharashtra Election: 49 બેઠકો પર શિવસેના V/S શિવસેના, 36 બેઠકો પર NCP V/S NCP, અહીંયા છે ફ્રેન્ડલી મેચ
Maharashtra Election: મહારાષ્ટ્રમાં 20 નવેમ્બરે યોજાનારી ચૂંટણીમાં બે શિવસેના અને બે રાષ્ટ્રવાદી કોંગ્રેસ પક્ષો (એનસીપી) સામસામે ટકરાશે. બંને પક્ષો કુલ 85 બેઠકો પર સામસામે છે. બેઉ શિવસેનામા મતદારોને 49 બેઠકો પર તેમની સેનાને પસંદ કરવાનો વિકલ્પ આપવામાં આવશે. આમાંથી, એકનાથ શિંદેના નેતૃત્વવાળી શિવસેના અથવા ઉદ્ધવ ઠાકરેની આગેવાનીવાળી શિવસેના (UBT)માંથી કોઈ એક પસંદ કરી શકે છે. 36 બેઠકો પર મતદારો અજિત પવારની આગેવાની હેઠળની NCP અથવા NCP (શરદ પવાર) વચ્ચે પસંદગી કરી શકે છે. પાંચ બેઠકો પર, એક જ ગઠબંધનના બે કે તેથી વધુ સહયોગીઓ – મહાયુતિ અથવા મહા વિકાસ આઘાડી – એકબીજા સામે ‘મૈત્રીપૂર્ણ હરીફાઈ’ કરી રહ્યા છે.
મહાયુતિનાં અંતિમ સીટ શેરિંગ ફોર્મ્યુલા મુજબ ભાજપ 148 સીટો પર, શિવસેના 80 સીટો પર અને એનસીપી 53 સીટો પર ચૂંટણી લડી રહી છે. બાકીની સાત બેઠકોમાંથી પાંચ નાની પાર્ટીઓને ફાળવવામાં આવી છે. આષ્ટી, મોરશી અને અનુશક્તિનગર મતવિસ્તારમાં ત્રણેય પક્ષો વચ્ચે ‘ફ્રેન્ડલી હરીફાઈ’ જોવા મળશે. મહા વિકાસ અઘાડી (MVA) વતી કોંગ્રેસ 101 સીટો પર, શિવસેના (UBT) 94 સીટો પર અને NCP (SP) 88 સીટો પર ચૂંટણી લડી રહી છે. પરનાડા અને પંઢરપુર બેઠકો માટે ત્રણેય સાથી પક્ષો વચ્ચે ‘ફ્રેન્ડલી હરીફાઈ’ થશે.
લોકસભા ચૂંટણીમાં અજિત પવાર અને શરદ પવાર વચ્ચે બે બેઠકો પર મુકાબલો હતો અને સિનિયર પવારે બંને બેઠકો જીતી હતી. બીજી બાજુ,સીએમ શિંદે તેરમાંથી સાત બેઠકો જીતવામાં સફળ રહ્યા જ્યાં તેમની ઠાકરે સાથે સીધી સ્પર્ધા હતી. છષ્ટ પાંખીયા હરીફાઈમાં, કોંગ્રેસ સૌથી મોટી વિજેતા હતી કારણ કે તેણે 17માંથી 13 બેઠકો જીતી હતી, જ્યારે ભાજપે સૌથી ખરાબ પ્રદર્શન કર્યું હતું, જે 28માંથી માત્ર 9 બેઠકો જીતી હતી.
પક્ષો વચ્ચે ચાલી રહેલા યુદ્ધ પર એક નજર
સેના વર્સીસ સેના
ઉદ્ધવ ઠાકરે અને એકનાથ શિંદે શિવસેનાના મુખ્ય ગઢ મુંબઈ અને તેની આસપાસની 19 બેઠકો પર શિવસેનાના વારસાનો દાવો કરવા માટે લડશે. અન્ય બેઠકો જ્યાં બે જૂથો વચ્ચે ટક્કર થશે તેમાં કોંકણ, મરાઠવાડા, વિદર્ભ અને ઉત્તર મહારાષ્ટ્રનો સમાવેશ થાય છે.
પાંચ મુખ્ય બેઠકો એવી છે જ્યાં સૌથી અઘરી સ્પર્ધા જોવા મળશે.
કોપરી પચપાખાડી: એકનાથ શિંદે V/S કેદાર દિઘે
શિવસેનાના નેતા અને સીએમ એકનાથ શિંદે ચોથી વખત કોપરી-પચપાખડી બેઠક પરથી ચૂંટણી લડી રહ્યા છે. થાણે લોકસભા મતવિસ્તાર હેઠળની પાંચ વિધાનસભા બેઠકોમાંથી એક છે. 1980થી થાણેમાં શિવસેનાની શાખાઓમાંથી ઉભરી આવેલા એકનાથ શિંદેનો આ વિસ્તારમાં ઘણો પ્રભાવ છે. જો કે, તેમનો સામનો તેમના સ્વર્ગસ્થ માર્ગદર્શક આનંદ દિઘેના ભત્રીજા કેદાર દિઘે સાથે થયો છે, જેને શિવસેના (UBT) દ્વારા મેદાનમાં ઉતારવામાં આવ્યા છે.
માહિમ: સદાનંદ સરવણકર V/S મહેશ સાવંત
માહિમમાં શિવસેનાના વિધાનસભ્ય સદાનંદ સરવણકર, શિવસેના (UBT)ના મહેશ સાવંત અને મહારાષ્ટ્ર નવનિર્માણ સેના (MNS)ના અમિત ઠાકરે વચ્ચે ત્રિકોણીય ચૂંટણી જંગની અપેક્ષા છે. માહિમ, 1990 થી શિવસેનાનો ગઢ છે અને જે 2009 અને 2014 ની વચ્ચે MNS દ્વારા કબજે કરવામાં આવ્યો હતો. હવે સમાચારમાં છે કારણ કે ભાજપે અમિત ઠાકરેને ટેકો આપવાની ઇચ્છા દર્શાવી છે.
વરલી: મિલિંદ દેવડા V/S આદિત્ય ઠાકરે
ત્રીજી પેઢીના ઠાકરે-આદિત્ય મુંબઈ દક્ષિણ મતવિસ્તારમાં બીજી પેઢીના દેવરા-મિલિંદ સામે ટકરાશે. વર્તમાન ધારાસભ્ય આદિત્ય ઠાકરેનો કોંગ્રેસમાંથી આવેલા મિલિંદ દેવરા સાથે સીધો મૂકાબલો છે. દેવરા અગાઉ કોંગ્રેસની ટિકિટ પર મુંબઈ દક્ષિણના સાંસદ તરીકે ચૂંટાયા હતા.1990 થી વરલી પર શિવસેનાનો દબદબો છે અને તાજેતરમાં શિવસેનામાં જોડાયેલા દેવરાને આ વિસ્તારમાં ઠાકરેના મજબૂત પ્રભાવને હરાવવાનો મોટો પડકાર છે.
કુડાલ: નિલેશ રાણે V/S વૈભવ નાઈક
પૂર્વ સીએમ નારાયણ રાણેના પુત્ર અને ભાજપના નેતા નિલેશ રાણેને તેમના પિતાના જૂના મતવિસ્તાર કુડાલથી શિવસેનાની ટિકિટ પર મેદાનમાં ઉતારવામાં આવ્યા છે. સિનિયર રાણેના લોકસભા મતવિસ્તાર રત્નાગિરી-સિંધુદુર્ગ હેઠળ કુડાળ આવે છે. આ બેઠક શિવસેનાનો ગઢ છે અને 2014 થી શિવસેના (UBT) ધારાસભ્ય વૈભવ નાઈક પાસે છે. જો કે, રાણેનો પ્રદેશમાં નોંધપાત્ર પ્રભાવ હોવાથી તેઓ ભાજપમાં જોડાયા ત્યારથી શિવસેના માટે આ બેઠક જીતવામાં સફળ રહ્યા છે. શિવસેનાના ભાગલા પડવાથી આ સીટની લડાઈ સટોસટની રહેવાની ધારણા છે.
પાચોરા: કિશોર પાટીલ V/S વૈશાલી સૂર્યવંશી
તાત્યાસાહેબ પાટીલના વારસા પર દાવો કરવા માટે વૈશાલી સૂર્યવંશી પાટીલ અને કિશોર પાટીલ અને મેદાનમાં છે. ઠાકરે પરિવારના નજીકન પાટીલ બે વાર સીટ જીતી ચૂક્યા છે અને તેમના ભત્રીજા કિશોર પાટીલને શિવસેનાએ 2014માં ઉમેદવાર બનાવ્યા હતા. મ્યુનિસિપલ કાઉન્સિલમાંથી રાજ્ય વિધાનસભામાં ચૂંટાયેલા કિશોર પાટીલ 2014 થી ધારાસભ્ય છે અને એકનાથ શિંદે દ્વારા ત્રીજી વખત ફરીથી નામાંકિત કરવામાં આવ્યા છે. તેમનો સામનો પ્રથમ વખતના ઉમેદવાર વૈશાલી સૂર્યવંશી સાથે છે, જેમને જલગાંવમાં તેમના પિતાના વારસા અને ઠાકરેના સમર્થનથી ફાયદો થયો છે અને તેઓ હવે શિવસેના (UBT)ની ટિકિટ પર ચૂંટણી લડી રહ્યા છે.
NCP V/S NCP
અજિત પવાર અને દિગ્ગજ મરાઠા નેતા શરદ પવાર મહારાષ્ટ્રમાં 36 બેઠકો પર NCPના ભાવિ માટે લડી રહ્યા છે. પશ્ચિમ મહારાષ્ટ્ર (રાજ્યના સુગર બેલ્ટ)માં આવેલી 20 બેઠકો સાથે બે NCP તેના મુખ્ય ગઢમાં સામસામે છે. બારામતીની લડાઈ સૌથી રોમાંચક અને વ્યક્તિગત બની ગઈ છે કારણ કે અજિત પવાર સાતમી વખત ફરીથી ચૂંટણી લડવા માટે તેમના ભત્રીજા યુગેન્દ્ર પવાર સામે લડી રહ્યા છે.
સુગર બેલ્ટમાં પાંચ મુખ્ય મુકાબલા
બારામતી: અજિત પવાર V/S યુગેન્દ્ર પવાર
લોકસભાની ચૂંટણીમાં શરદ પવારે બારામતીની લડાઈ જીતી હતી કારણ કે વર્તમાન સાંસદ સુપ્રિયા સુલેએ નવોદિત સુનેત્રા પવાર (અજિત પવારનાં પત્ની) પર વિજય મેળવ્યો હતો. ત્યારથી, અજિત પવારે તેમની પત્નીને મેદાનમાં ઉતારવા માટે મતદારોની માફી માંગી છે, તેમને વિનંતી કરી છે કે “તેમને પણ ખુશ કરો જેમ તેઓએ લોકસભામાં પવાર (સાહેબ)ને ખુશ કર્યા હતા.” તેમની સામે તેમના ભાઈ શ્રીનિવાસના પુત્ર યુગેન્દ્ર છે, જેમણે લોકસભાની ચૂંટણીમાં તેમની કાકી સુપ્રિયા સુલે માટે સક્રિયપણે પ્રચાર કર્યો હતો.
ઈન્દાપુર: દત્તાત્રય ભારાવ V/S હર્ષવર્ધન પાટીલ
ઇન્દાપુરથી પાંચમી ટર્મ માટે ઇચ્છુક કોંગ્રેસમાંથી એનસીપીમાંથી બનેલા પીઢ મંત્રી હર્ષવર્ધન પાટીલનો સામનો અજિત પવારના સહયોગી અને વર્તમાન ધારાસભ્ય દત્તાત્રય ભરણે સાથે છે જેઓ તેમની ત્રીજી ટર્મ માટે ચૂંટણી લડી રહ્યા છે. હર્ષવર્ધન પાટીલ, જેમને ભાજપ તરફથી ટિકિટ નકારવામાં આવી હતી, તેઓ આ ચૂંટણી પહેલા શરદ પવાર જૂથમાં જોડાયા હતા.
તાસગાંવ-કાવથેમહાંકલ: સંજય કાકા પાટીલ V/S રોહિત પાટીલ
નવોદિત રોહિત પાટીલ દિવંગત ગૃહમંત્રી આર.આર.પાટીલના પુત્ર છે અને NCP (SP)ની ટિકિટ પર ભાજપના ભૂતપૂર્વ સાંસદ સંજય કાકા પાટીલ સામે લડી રહ્યા છે, જેઓ NCP-અજીતની ટિકિટ પર લડી રહ્યા છે. આ બેઠક આર.આર. પાટીલ 1990 થી 2015 માં તેમના નિધન સુધી ધારાસભ્ય રહ્યા હતા. જ્યારે તેમની પત્ની સુમનતાઈ પાટીલ ત્યારબાદની પેટાચૂંટણીમાં જીતી ગયા તથા 2019 માં પણ તેઓ ફરી જીત્યા હતા.
તેમના 25 વર્ષના પુત્ર ચૂંટણી મેદાનમાં ઉતર્યા બાદ આર.આર.પાટીલની સિંચાઈ કૌભાંડ દરમિયાન અજિત પવાર સાથે પાટીલની ભારે રાજકીય દુશ્મનાવટ સામે આવી છે.
યેવલા: છગન ભુજબળ V/S માણિકરાવ શિંદે
મરાઠા ક્વોટા આંદોલનના વિરોધી પક્ષો નાસિકના યેવલા મતવિસ્તારમાં ટકરાયા છે. NCPના નેતા છગન ભુજબલ NCP (SP)ના મરાઠા નેતા માણિકરાવ શિંદેનો સામનો કરશે. મરાઠાઓને OBC ક્વોટામાં સમાવવાની માંગ સાથે OBC દ્વારા વિરોધ કરવામાં આવેલા પગલાથી યેવલા માટેની લડત વર્તમાન ધારાસભ્ય છગન ભુજબળ માટે મુશ્કેલ બનશે, જેઓ તેમની પાંચમી મુદ્દત માટે વોટ માંગી રહ્યા છે.
પરલી: ધનંજય મુંડે V/S રાજસાહેબ દેશમુખ
મતભેદો ભૂલીને એનસીપીના ધનંજય મુંડે પિતરાઈ બહેન પંકજા મુંડે સાથે સંયુક્ત લડાઈ લડી રહ્યા છે, જેમણે તાજેતરમાં લોકસભાની દાવેદારી ગુમાવી છે. પરલી 1990 ના દાયકાથી મુંડે પરિવારનો ગઢ છે. આ સીટ અગાઉ ગોપીનાથ મુંડે દ્વારા જીતવામાં આવી હતી અને NCP (SP)ના નવોદિત ઉમેદવાર રાજેસાહેબ દેશમુખ સાથે જોરદાર ફાઈટ છે.
અહીંયા છે ફ્રેન્ડલી ઈલેક્શન વોર
ભાજપ મોટાભાગના બળવાખોર ઉમેદવારોને તેમના નામાંકન પાછું ખેંચી લેવા માટે મનાવવાની વ્યવસ્થા કરવા છતાં મહાયુતિ ગઠબંધન ફ્રેન્ડલી ઈલેક્શન લડાઈમાં વ્યસ્ત છે. દરમિયાન, MVA આવી એક મૈત્રીપૂર્ણ લડાઈ જોઈ રહ્યું છે..
આષ્ટી: સુરેશ ધસ (ભાજપ) V/S ળાસાહેબ અજબે (એનસીપી)
એનસીપીમાંથી ભાજપના નેતા બનેલા સુરેશ ધસ, જેમણે 2009માં આષ્ટી બેઠક સંભાળી હતી, તેઓ એનસીપીના વર્તમાન ધારાસભ્ય બાલાસાહેબ અજબે સામે ટક્કર આપે છે. મહાયુતિના એક ઉમેદવારની આસપાસ ભેગા થવામાં નિષ્ફળ, ભાજપ અને NCP મૈત્રીપૂર્ણ લડાઈ લડી રહ્યા છે અને NCP (SP)ના મહેબુબ શેખ ઈબ્રાહિમનો સામનો કરી રહ્યા છે.
મોરશી: ઉમેશ યાવલકર (ભાજપ) V/S દેવેન્દ્ર ભુયાર (એનસીપી), ગિરીશ કરોલે (એનસીપી એસપી).
અપક્ષ ધારાસભ્યમાંથી એનસીપીના નેતા બનેલા દેવેન્દ્ર ભુયાર મોર્શીથી બીજી વખત ચૂંટણી લડી રહ્યા છે. તેમની બિડનો ભાજપના ઉમેશ યાવલકર અને NCP (SP)ના ગિરીશ કરોલે વિરોધ કર્યો છે.
અનુશક્તિનગર: સના મલિક (NCP) V/S અવિનાશ રાણે (શિવસેના), ફહદ અહેમદ (NCP-SP)
એનસીપીના મંત્રી નવાબ મલિકની ચૂંટણીમાં ભાગીદારીનો પહેલેથી જ વિરોધ કરતા, ભાજપ અને શિવસેનાએ પણ અનુશક્તિનગરથી તેમની પુત્રીની ચૂંટણીમાં પદાર્પણને સમર્થન આપવાનો ઇનકાર કર્યો હતો. દાઉદ ઈબ્રાહિમ સાથે મલિકના કથિત સંબંધોને વિવાદ ઉભો થયેલો છે. સેનાએ અવિનાશ રાણેને મતવિસ્તારમાં ચૂંટણી મેદાનમાં ઉતાર્યા છે. મુસ્લિમ પ્રભુત્વ ધરાવતી આ બેઠક પર તેમના પિતા નવાબ મલિકની જગ્યાએ સના મલિકનો મુકાબલો SP નેતા ફહદ અહેમદ સામે પણ છે, જે NCP-SPની ટિકિટ પર લડી રહ્યા છે.
માનખુર્દ શિવાજીનગર: નવાબ મલિક (એનસીપી) V/S સુરેશ (બુલેટ) પાટીલ (શિવસેના), અબુ આઝમી (એસપી)
એ જ રીતે ભાજપ અને શિવસેના સુરેશ (બુલેટ) પાટીલને ટેકો આપી રહ્યા છે કારણ કે એનસીપી અન્ય મુસ્લિમ બહુલ બેઠક માનખુર્દ શિવાજીનગર બેઠક માટે નવાબ મલિકને મેદાનમાં ઉતારવામાં અડગ રહી હતી.નવાબ મલિકનો પણ ત્રણ વખતના સમાજવાદી પાર્ટીના ધારાસભ્ય અબુ અસીમ આઝમીનો સામનો છે, જેમને એમવીએનું સમર્થન છે.
પંઢરપુર: સમાધાન ઓતાડે (ભાજપ) V/S ભગીરથ ભાલકે (કોંગ્રેસ), અનિલ સાવંત (એનસીપી એસપી)
કોંગ્રેસનો ગઢ ગણાતા પંઢરપુરમાં MVA ઉમેદવારો વચ્ચે એકમાત્ર મૈત્રીપૂર્ણ લડાઈ જોવા મળશે. ભાજપના વર્તમાન ધારાસભ્ય સમાધાન ઓતાડેનો મુકાબલો કોંગ્રેસના ભગીરથ ભાલકે સાથે થશે જેઓ તેમના પિતા ભરત ભાલકેની બેઠક પરથી ચૂંટણી લડી રહ્યા છે. એનસીપી-એસપી નવા આવેલા અનિલ સાવંત પણ ચૂંટણી મેદાનમાં છે.
