Maharashtra દેવેન્દ્ર ફડણવીસની વાતને સ્વીકારતા એકનાથ શિંદે, આવતીકાલે ડેપ્યુટી સીએમ તરીકે લેશે શપથ
Maharashtra હવે મહારાષ્ટ્રમાં સરકારને લગતા તમામ સસ્પેન્સનો અંત આવ્યો છે. મુખ્યમંત્રી માટે દેવેન્દ્ર ફડણવીસના નામને મંજૂરી આપવામાં આવી છે. આ પછી એકનાથ શિંદેએ પણ કેબિનેટમાં સામેલ થવા માટે હા પાડી દીધી છે. શિંદે આખરે સંમત થયા છે. એકનાથ શિંદે ગુરુવારે ડેપ્યુટી સીએમ તરીકે શપથ લેવા માટે તૈયાર છે. મતલબ કે આખરે મહાયુતિમાં નક્કી થઈ ગયું છે. હવે શિંદે પણ સરકારનો હિસ્સો બનશે. અગાઉ પ્રેસ કોન્ફરન્સમાં ફડણવીસે શિંદેને સરકારમાં સામેલ થવા વિનંતી કરી હતી.
Maharashtra પ્રેસ કોન્ફરન્સ બાદ એકનાથ શિંદેએ શિવસેનાના નેતાઓ સાથે બેઠક યોજી હતી. આ બેઠકમાં એકનાથ શિંદેએ શિવસેનાના નેતાઓ સાથે મળીને સરકારમાં સામેલ થવાનો નિર્ણય લીધો હતો. હવે જોવાનું એ રહે છે કે એકનાથ શિંદેને શું પોર્ટફોલિયો આપવામાં આવશે.
અગાઉ પ્રેસ કોન્ફરન્સમાં દેવેન્દ્ર ફડણવીસે કહ્યું હતું કે સીએમ પદ ટેકનિકલ છે, પરંતુ તે ત્રણેય (ફડણવીસ, શિંદે અને અજિત) સાથે મળીને નિર્ણય લેશે. દેવેન્દ્ર ફડણવીસે કહ્યું, ‘એકનાથ શિંદે અને અજિત પવારે સીએમ પદ માટે મારું નામ આગળ કર્યું. મેં શિંદેને સરકારનો હિસ્સો બની રહેવા માટે વિનંતી કરી છે. અમે સાથે મળીને સરકાર ચલાવીશું. જનતાને આપેલા વચનો પૂરા કરવામાં આવશે.
ગુરુવારે શપથ ગ્રહણ સમારોહ યોજાશે
આવતીકાલે પાંચમી ડિસેમ્બરે આઝાદ મેદાનમાં શપથ ગ્રહણ સમારોહ યોજાશે. દેવેન્દ્ર ફડણવીસે કહ્યું કે અમે સરકાર બનાવવાનો દાવો કર્યો છે. રાજ્યપાલે આવતીકાલે શપથગ્રહણનો સમય સાંજે 5.30 કલાકે નક્કી કર્યો છે. ફડણવીસે કહ્યું, મેં શિંદે જીને અમારી સાથે ડેપ્યુટી સીએમ તરીકે શપથ લેવા કહ્યું છે. મને ખાતરી છે કે તેઓ અમારી વાત સાંભળશે. મહાયુતિના ત્રણેય નેતાઓ સાથે બેસીને કેબિનેટ અંગે નિર્ણય લેશે.
