આ પ્રકારના લોકો મોટેભાગે બાંધે છે લગ્નેત્તર સંબંધો

એડવાંસ ટેક્નોલોજીના આ સમયમાં બધા જ કામ બટન દબાવતા જ થઈ જાય છે ત્યારે લગ્નેત્તર સંબંધો માટે પણ આ ટેક્નોલોજી પ્લેટફોર્મ પુરુ પાડે છે. આજના સમયમાં લોકો લગ્નેત્તર સંબંધો માટે ટેક્નોલોજીનો ઉપયોગ કરે છે. ગ્લિડેન પણ આવી જ એક એપ છે જે લગ્નેત્તર સંબંધ બાંધવા ઇચ્છતા લોકોને એકબીજાની નજીક લાવે છે. 2016માં ગ્લિડેન ભારતમાં આવી હતી અને આજે તેના 2.5 લાખથી વધારે રજીસ્ટર યુઝર્સ છે. એવું શું છે કે જે લગ્ન પરંપરામાં માનનારા ભારતીયોને લગ્નેત્તર સંબંધો બાંધવા માટે પ્રેરીત કરે છે. આ મામલે ગ્લિડેનના હેડ ઓફ કોમ્યુનિકેશન મેનેજમેન્ટ સોલિન પેલેટ આંકાડાને આધાર બનાવીને કહે છે કે, ‘પાંચ એવી સ્થિતિ છે જે મોટાભાગે લોકોને એક્સ્ટ્રા મેરીટલ અફેર માટે પ્રેરિત કરે છે.’જો તમારા લગ્ન 20 વર્ષની ઉંમરમાં જ થઈ જાય છે તો તેનો મતલબ છે કે તમે તમારા સાથી સાથે ઘણા વર્ષો વિતાવશો. જેથી કેટલાક મામલે સમય પસાર થતા તમારી રુચી ઓછી થઈ જાય છે. જેના કારણે તમારા સંબંધોમાં પણ એક ડિસ્ટન્સ આવી જાય છે. આવા રંગવિહિન લગ્નમાં પાત્ર લગ્નેત્તર સંબંધ તરફ આગળ વધે છે. દાંપત્ય જીવનના તણાવને ઓછો કરવા માટે પણ લોકો આવા સંબંધો તરફ વળે છે. સંતોષપ્રદ શારીરિક સંબંધ દરેક લગ્નજીવનનો મૂળભૂત પાયો છે. એક હેલ્ધી રીલેશનશીપમાં પાર્ટનર વચ્ચે શારીરિક તાલમેલ ખૂબ મહત્વપૂર્ણ છે. જો ફિઝિકલ ઇન્ટિમસીમાં અસંતોષ રહે તો સંબંધોમાં તેની અસર જોવા મળે છે. જેથી પતિ કે પત્ની લગ્નેત્તર સંબંધ તરફ આગળ વધે છે. જેમ જેમ સમય પસાર થાય તેમ તેમ લોકોની પ્રાથમિક્તા અલગ થતી જાય છે. જેના કારણે કેટલીકવાર કપલ એકબીજાને કોમ્પેટિબલ નથી થઈ શકતા. આ કારણે સંબંધ વાસી અને ખટાશ આવી જાય છે. જે માનસિક સ્થિતિ લગ્ન જીવનને અવળા માર્ગે લઈ જાય છે.કેટલાક લોકો એવા હોય છે જેમને સતત કંઈક નવું અને એક્સાઇટમેન્ટ જોઈતું હોય છે. ત્યારે લગ્નના શરુઆતના સમયમાં તો બધુ નવું નવું અને એક્સાઇટમેન્ટ ભરેલું લાગે છે પછી આવા લોકો એક જ સંબંધમાં રહીને કંટાળી જાય છે. જેના કારણે તેમનો વ્યવહાર ઋક્ષ બની જાય છે જે અંતે એકબીજા વચ્ચે ગેરસમજણ લાવે છે અને પછી આવા લોકો બીજી તરફ આકર્ષિત થાય છે.