Waqf Amendment Act 2025: CJI સંજીવ ખન્નાએ કપિલ સિબ્બલને શા માટે અટકાવ્યા? જાણો શું થયું કોર્ટરૂમમાં
Waqf Amendment Act 2025 17 એપ્રિલ, 2025ના રોજ સુપ્રીમ કોર્ટમાં વકફ સુધારા અધિનિયમ, 2025 વિરુદ્ધ દાખલ થયેલી અરજીઓ પર મહત્વપૂર્ણ સુનાવણી ચાલી. સુનાવણી દરમિયાન કોર્ટએ કાયદા પર સંપૂર્ણ પ્રતિબંધ (સ્ટે) મૂક્યો નહીં હોવા છતાં, હાલની સ્થિતિ જાળવવાની સ્પષ્ટ સૂચના આપી. આ દરમિયાન એક રોચક ઘટના બની, જ્યારે સુપ્રીમ કોર્ટના મુખ્ય ન્યાયાધીશ (CJI) સંજીવ ખન્નાએ વરિષ્ઠ વકીલ કપિલ સિબ્બલને ટોકીને કહ્યું – “વિક્ષેપ ન કરો”.
હકીકતમાં, CJI સંજીવ ખન્ના જ્યારે ઓર્ડર લખી રહ્યા હતા, ત્યારે કપિલ સિબ્બલએ ટિપ્પણી કરી કે “વકફ બાય યુઝર” પણ ઉલ્લેખ કરવો જોઈએ. આ ટિપ્પણી વચ્ચે બોલતાં સીજેઆઈએ તેમને રોકતાં કહ્યું, “હું ઓર્ડર લખી રહ્યો છું, અટકાવશો નહીં.”
આ પ્રસંગે, સીજેઆઈએ સ્પષ્ટતા કરી હતી કે કોર્ટ હાલમાં માત્ર યથાવત સ્થિતિ જાળવવા અંગે નિર્દેશ આપી રહી છે અને કેન્સલ કે ડિનોટિફાઈ જેવી પ્રવૃત્તિઓ પર તાત્કાલિક રોક લગાવવામાં આવી છે. તેમણે ઉમેર્યું કે વકફ બોર્ડ કે કાઉન્સિલમાં નવા સભ્યોની કોઈ નિમણૂક નહીં થાય.
સોલિસિટર જનરલ તુષાર મહેતાએ સરકાર તરફથી દલીલ કરતાં જણાવ્યું હતું કે સંસદ દ્વારા પસાર થયેલા કાયદા પર આવા વચગાળા પ્રતિબંધ અનિચ્છનીય છે. કાયદો લાવ્યા પહેલાં અનેક લોકો સાથે ચર્ચા કરવામાં આવી છે, અને તે બહુમતી ઈચ્છાનું પ્રતિનિધિત્વ કરે છે. તેમણે સરકારને પોતાનો પક્ષ મૂકવા માટે એક અઠવાડિયાનો સમય માગ્યો, જેને કોર્ટએ મંજૂરી આપી.
કોર્ટએ સાથે એ પણ કહ્યું કે 1995 અને 2013ના વકફ કાયદાઓ સામેની જુદી જુદી અરજીઓને જુદી રીતે સુનાવવાની રહેશે. વધુમાં, અરજદાર પક્ષને હુકમ આપવામાં આવ્યો છે કે ફક્ત પાંચ મુખ્ય અરજદારો નામે સુનાવણી માટે સુચવી દે. દરેક અરજદારને જુદી રીતે સાંભળવી શક્ય નથી, તેથી બાકીનું નિર્ણય તેઓ લેશે.
આ સમગ્ર વિવાદ અને સુનાવણી દર્શાવે છે કે વકફ સુધારા કાયદો માત્ર કાયદાની નિતીગત બાબત નહીં, પરંતુ સામાજિક અને ધાર્મિક સંવેદનાઓ સાથે પણ જોડાયેલો મુદ્દો છે, જેને લઈને દેશમાં તીવ્ર ચર્ચા ચાલી રહી છે. 5 મે, 2025ની આગામી સુનાવણીમાં વધુ સ્પષ્ટતા થવાની સંભાવના છે.
