Union Budget 2025: અપેક્ષાઓ અને મોટી જાહેરાતો
Union Budget 2025 આજે, 1 ફેબ્રુઆરી, 2025 ના રોજ, દેશનું વાર્ષિક બજેટ રજૂ કરવામાં આવશે. નાણામંત્રી નિર્મલા સીતારમણ સતત આઠમી વખત લોકસભામાં આ બજેટ રજૂ કરશે. આ બજેટ મોદી સરકારના ત્રીજા કાર્યકાળનું પ્રથમ પૂર્ણ બજેટ છે, અને આ વખતે ઘણી મહત્વપૂર્ણ જાહેરાતો થવાની અપેક્ષા છે.
Union Budget 2025 સૂત્રોના જણાવ્યા અનુસાર, આ બજેટમાં કરદાતાઓને મોટી રાહત મળી શકે છે. નોંધપાત્ર રીતે, આવકવેરા સ્લેબમાં ઘટાડો અથવા ફેરફારની શક્યતા છે, જેનો ફાયદો મધ્યમ અને ઉચ્ચ આવક જૂથના કરદાતાઓને થઈ શકે છે. આ ઉપરાંત, ખેડૂતો માટે મહત્વપૂર્ણ જાહેરાતો પણ કરી શકાય છે, જેથી કૃષિ ક્ષેત્રને વધુ પ્રોત્સાહન મળે.
નાણામંત્રી NPS (નેશનલ પેન્શન સ્કીમ) અને EPS (કર્મચારી પેન્શન સ્કીમ) જેવી પેન્શન યોજનાઓ સંબંધિત નવી જાહેરાતો કરી શકે છે, જે ભવિષ્યના પેન્શનરો માટે ફાયદાકારક સાબિત થઈ શકે છે.
આ ઉપરાંત રેલ્વે ક્ષેત્રમાં પણ મોટી જાહેરાતો થવાની અપેક્ષા છે. નાણામંત્રી ૧૦૦ નવી અમૃત ભારત ટ્રેનો અને ૧૦ થી વધુ નવી વંદે ભારત ટ્રેનોના સંચાલનની જાહેરાત કરી શકે છે. આ યોજનાઓ ભારતમાં પરિવહન માળખાને મજબૂત બનાવશે અને મુસાફરોને વધુ સારી સુવિધાઓ પૂરી પાડશે.
બજેટમાં આ ફેરફારો અને જાહેરાતોથી આર્થિક વિકાસને વેગ મળશે અને સામાન્ય જનતાને રાહત મળશે તેવી અપેક્ષા છે.
