Supreme Court 130 વર્ષ જૂનો મુલ્લાપેરિયાર ડેમઃ સુપ્રીમ કોર્ટે કેન્દ્ર સરકારને ફટકાર લગાવી, કહ્યું- સરકાર ક્યારે જાગશે?
Supreme Court ભારતની સર્વોચ્ચ અદાલતે મુલ્લાપેરિયાર ડેમની સુરક્ષા મુદ્દે કેન્દ્ર સરકારને સખત ઠપકો આપ્યો છે. આ 130 વર્ષ જૂનો ડેમ તમિલનાડુ અને કેરળની વચ્ચે આવેલો છે અને તેના ડાઉનસ્ટ્રીમ વિસ્તારમાં લગભગ 50 થી 60 લાખ લોકો રહે છે. કોર્ટે કહ્યું કે સંસદ દ્વારા ઘડવામાં આવેલા ડેમ સેફ્ટી એક્ટ, 2021ના અમલમાં કેન્દ્ર સરકારની બેદરકારીએ ચિંતામાં વધારો કર્યો છે.
Supreme Court સુપ્રીમ કોર્ટની બેન્ચે બુધવાર, 8 જાન્યુઆરી, 2024ના રોજ આ કેસની સુનાવણી કરતી વખતે કેન્દ્ર સરકારની કાર્યશૈલી પર સવાલો ઉઠાવ્યા હતા. જસ્ટિસ સૂર્યકાન્ત, જસ્ટિસ દીપાંકર દત્તા અને જસ્ટિસ ઉજ્જવલ ભૂયને કહ્યું કે જ્યારે ડેમ સેફ્ટી એક્ટ પહેલેથી જ પસાર થઈ ચૂક્યો છે, એક્ઝિક્યુટિવ હજુ સુધી તેનો અમલ કરવામાં નિષ્ફળ રહી છે. કોર્ટમાં આ મુદ્દો ઉઠાવતા કેરળ સરકારે કહ્યું કે કેન્દ્ર સરકારે આ કાયદા હેઠળ કોઈ નક્કર પગલાં લીધાં નથી, ન તો ડેમની સુરક્ષાને લઈને કોઈ પગલાં લેવામાં આવ્યાં છે.
તમિલનાડુ સરકાર તરફથી હાજર રહેલા વરિષ્ઠ વકીલ
વી કૃષ્ણમૂર્તિએ કોર્ટને જણાવ્યું હતું કે કેન્દ્રએ ડેમની સુરક્ષા માટે એક ઓથોરિટીની રચના કરી છે અને સ્ટ્રક્ચરનું ઓડિટ કરવામાં આવશે. જો કે, અરજદાર મેથ્યુ જે નેદુમ્પરાએ કોર્ટને ડેમની સુરક્ષાના સંદર્ભમાં સુપ્રીમ કોર્ટના આદેશોની સમીક્ષા કરવા વિનંતી કરી હતી, કારણ કે જો ડેમને કોઈ નુકસાન થાય છે તો ડાઉનસ્ટ્રીમમાં રહેતા લાખો લોકોને અસર થઈ શકે છે.
સુપ્રીમ કોર્ટે કેન્દ્ર સરકારને કહ્યું કે ડેમ સેફ્ટી એક્ટની કલમ 5(2) હેઠળ
રાષ્ટ્રીય સમિતિની રચના 60 દિવસની અંદર થવી જોઈએ, જેનું દર ત્રણ વર્ષે પુનર્ગઠન કરવામાં આવશે. કોર્ટે એમ પણ કહ્યું કે હજુ સુધી આવી કોઈ કમિટીની રચના કરવામાં આવી નથી અને ન તો તેના માટે કોઈ નિયમો બનાવવામાં આવ્યા છે.કોર્ટે કેન્દ્ર સરકારને એ પણ પૂછ્યું કે શા માટે સુપરવાઇઝરી કમિટીની રચના કરવામાં આવી નથી, જ્યારે 2014માં સુપ્રીમ કોર્ટે આ મુદ્દે એક કમિટીની રચના કરી હતી. મામલાની તાકીદને ધ્યાનમાં રાખીને, સુપ્રીમ કોર્ટે એટર્ની જનરલની મદદ માંગી અને તેમને આ સંબંધમાં નેશનલ ડેમ સેફ્ટી ઓથોરિટી પાસેથી જવાબ માંગવાનો નિર્દેશ આપ્યો.
